三月下旬，爸爸得到公事上得到提攜，被指派到大城市返工，於是我哋一家離開海邊古老嘅佐津市，搬到鄰縣首府嘅盛屋市。 喺駛往新地方嘅火車窗外，望見盛開而落、只剩低無數椏枝嘅櫻花樹，感覺就好似我一樣，所有嘢都要重新開始。 「佢係今年由佐津市內中學轉嚟嘅新同學，請各位同佢好好相處。」早會時班主任喺講台上將我介紹俾班上嘅同學，「你就坐嗰邊嘅空位。」 「請各位多多指教。」我向面前嘅所有人稍稍鞠躬後，行到自己座位坐低，準備上堂。 上完第一節課，一部分好奇心重嘅同學開始過嚟問我初中嘅事、點解會轉校、有咩喜好等；當刻，我感到人生新嘅一章應該唔會太差。 可惜，當所有同學都知道我呢個轉校生嘅一切背景，加上呢間學校係大學附屬中學嘅高校，即係幾乎所有同學喺初中時已經熟絡、有自己嘅圈子時，就開始減少對我嘅興趣。 我唔係無試過融入佢哋嘅圈子，只不過喺大城市出世嘅佢哋，鍾意喺商店街吃喝玩樂，而喺舊城市長大嘅我，對做工藝品比較有興趣，結果我只能安靜跟住佢哋，間中陪佢哋笑笑。 過咗一排，佢哋無再約我，而我亦唔係一個喺某方面特別突出嘅學生，所以除咗禮拜上嘅對話，就再無更多嘅交流。 除咗結城老師。 入學後第一個禮拜，學校為咗協助轉校生融入校園，將我分派到佢嘅輔導班下。每逢星期二同星期五放學後非值日嘅日子，都要到輔導室同佢講下學校及生活等呢啲話題。每次結城老師聽完只會點頭，或者喺我話語中深入問一啲問題，作為佢下次輔導嘅方向。 校內嘅霸凌問題因為各人都以升學為目標，所以並唔嚴重；另外從小戶外活動較多嘅我，長得算高大同強壯，再加上輔導老師無形嘅保護，第一學期嘅校園生活平平無奇但亦無任何壞事發生。 ※ 「暑假有咩計劃？」七月下旬，假期前最後一個星期五，結城老師問我。 「我……我未有計劃。」 「我知你對傳統手工藝有興趣，雖然學校未有呢啲社團，但類似嘅都唔少，點解唔參加？」 「我對社團活動無興趣。」 「有無特別鍾意邊門手工藝？」 腦內立刻湧起中三時觀賞過嘅展品，但我無回答佢。 「未有頭緒？」結城老師托起頭講，「雖然盛屋市係一個現代化嘅大都會，但都有一啲舊街老店。我呢度有啲資料，暑假得閒不如去逛逛？」佢將一啲小冊子同打咗圓圈嘅市內地圖放喺書檯上，推到我面前。 我拎起睇睇，的確係我會有興趣去嘅地方，有幾個更加已經吸引咗我眼球，盤算緊幾時同點樣去。 「見到你好似有興趣，作為輔導老師嘅我能夠幫到你，真係鬆一口氣。」喺我集中精神...
本短篇經《極夜之城》共同作者 — — Bessie Ying ｜ 英貝茜 及 IF 肯首借用其小說名字和人物設定，及兩位創作時的花絮寫文作樂，特此感謝。
傳說聖彼德遇到一個唔肯入天堂嘅人。當佢問嗰個人點解時，佢話佢對凡間仲有牽掛；怕入咗天堂，就唔可以見到同守護佢嘅愛人。聖彼德唔能夠俾人留喺天堂之門外，但又唔能夠送呢個人落地獄，於是佢將呢個人化做樹，俾佢可以永遠守護凡間嘅愛人。
然後有一日，有隻貓大搖大擺，趾高氣揚走過來。聖彼德將天堂之門打開，但隻貓竟然當佢無到，仲要串串貢轉身將個屎眼對住佢，好彩聖彼德見得多怪人怪事，加上千年修來嘅德道，先無俾佢激到紮紮跳。
貓走到樹下面，繞住樹兜咗個圈，跟住用爪抓實樹莖，幾個箭步爬咗上樹。佢搵到條粗嘅橫枝，捲埋身體休息。
聖彼德無佢咁好氣，由佢喺樹上面算數，走番去做自己嘅嘢。
「做咩唔入去？」樹問。
「要你管？」
貓果然特別高竇，樹想。
過咗一陣，貓忽然好緊張咁企直身子，望住凡間一個點。
樹沿著貓嘅視線，只見一個輕熟女望住手機，搲爆個頭喺度苦惱緊。
「唉… …成日衰衝動… …我識講嘢肯定叫佢買太太口服液靜下心。」
「咁緊張，佢係你主人？」
「我係佢主人呀！」
「噗！」樹笑咗一下，「未見過主人咁緊張自己奴僕。」
「哼！」貓揚起頭，「佢算係救過我，我係隻好公道嘅貓，緊張返佢都好正常。」
「佢點救過你？」
「見你咁悶又咁想知，就講俾你聽下，」貓將目光往上移，「之前養我嘅人當我係生日禮物買咗來養，但唔少人養寵物都係三分鐘熱度，有事嫌麻煩就將我丟喺街上。有個義工好心救番我，但我身體已經差到時日無多。」
「之但係好好彩，有佢領養咗我。本來一年貨仔竟然捱多咗五六年… …」貓舔一舔左邊肉掌，「而且，同佢一齊我好開心；上天總算對我不薄… …」
「你唔捨得佢？」
「哼！係佢唔捨得！我睇下佢有幾唔捨得我！」
貓永遠都係傲嬌嘅… …樹想。
就喺凡間嘅輕熟女諗緊點樣夾出條乳溝去同人講對唔住時，有一個少婦喺樹同貓嘅眼前出現。
少婦行得好慢，而且一臉躊躇，行下停下，又不時回頭，好似成日凝住漏低嘢咁。
佢經過樹，來到聖彼德嘅面前；聖彼德查一查手上本簿，確認少婦嘅名，講咗句「你遲到咗好多喎」，然後開門俾少婦入去。
打開嘅門透出白光，不斷傳來歡樂嘅歌聲，但完全吸引唔到少婦。佢又擰轉頭望返凡間，又望望聖彼德，然後話：「我想坐陣先… …」
聖彼德連續見到兩個過門不入嘅人（同貓），嘆一口氣又將門閂埋。
少婦行到樹下，背倚著樹坐低。樹見到佢細心望住凡間下嘅一個男人，望住佢細心照顧一大堆鬱金香。少婦好似欣賞一套文藝電影咁，醉心咁睇住每一個細節。
「唔係咁呀！咁樣啲花唔會靚… …」
「哎吔… …施肥唔係咁施… …」
「咁大力挖啲泥會傷到啲根… …」
一定係佢生前最愛惜嘅花，同男人。樹想。
「바보！你無咗我就咁樣……」佢抬頭望著樹蔭，「琴日仲要俾人激到用對手插入沙池… …」
少婦甜絲絲傻笑咗一下後，眼角忽然滴出淚珠。
「我好掛住你… …오빠… …」
又一個同是天涯淪落人… …樹想。
少婦從淚眼間看見樹上嘅貓，想起某事，企起身打開雙手去抱它。
貓擅於爬上樹卻不擅於爬落來，見到少婦嘅雙手，立刻跳入佢嘅懷抱。
少婦將貓抱入懷裡，輕輕撫著貓嘅長毛。佢嘅手勢純熟，連呢隻高傲嘅貓都被摸到唔想走。
「떡국……」
「我叫可樂呀……」但少婦只聽到「喵」。
「雖然我知你唔係佢，但請俾我咁叫你……」
「見你摸得咁舒服，唔同你計。」貓將頭往少婦嘅下乳摩挲著。
「你見唔見到嗰個男人？」少婦右手指向剛才打理花草嘅男人，「你可唔可以陪我一直到佢忘記我？」
「我唔係想陪你㗎，只係咁啱要睇住我個奴僕，否則我先唔會留喺度。」
「你喵喵咁叫，我當你應承咗喇。」
「人類都係唔講理嘅。」
「你知唔知呀，唔少電視劇嘅男女主角鬥嘴後成為情侶；你覺得佢會唔會同嗰個喺網上同佢嗌交嘅女仔成為一對呢？」
「我奴僕跟我咁耐，咁好眼光，先唔會揀你個男人。」
「如果係就好……咁佢可以開開心心忘記我……」
「等你個男人唔好有咁多錯別字先喇！」
「希望佢可以忍到個女仔唔用全形標點符號啦……」
從今日起，樹開始和她、和牠，細心閱讀他和她喺極夜之城內嘅故事。
當然，仲有睇到呢度嘅你哋。
傳說聖彼德遇到一個唔肯入天堂嘅人。當佢問嗰個人點解時，佢話佢對凡間仲有牽掛；怕入咗天堂，就唔可以見到同守護佢嘅愛人。聖彼德唔能夠俾人留喺天堂之門外，但又唔能夠送呢個人落地獄，於是佢將呢個人化做樹，俾佢可以永遠守護凡間嘅愛人。
然後有一日，有隻貓大搖大擺，趾高氣揚走過來。聖彼德將天堂之門打開，但隻貓竟然當佢無到，仲要串串貢轉身將個屎眼對住佢，好彩聖彼德見得多怪人怪事，加上千年修來嘅德道，先無俾佢激到紮紮跳。
貓走到樹下面，繞住樹兜咗個圈，跟住用爪抓實樹莖，幾個箭步爬咗上樹。佢搵到條粗嘅橫枝，捲埋身體休息。
聖彼德無佢咁好氣，由佢喺樹上面算數，走番去做自己嘅嘢。
「做咩唔入去？」樹問。
「要你管？」
貓果然特別高竇，樹想。
過咗一陣，貓忽然好緊張咁企直身子，望住凡間一個點。
樹沿著貓嘅視線，只見一個輕熟女望住手機，搲爆個頭喺度苦惱緊。
「唉… …成日衰衝動… …我識講嘢肯定叫佢買太太口服液靜下心。」
「咁緊張，佢係你主人？」
「我係佢主人呀！」
「噗！」樹笑咗一下，「未見過主人咁緊張自己奴僕。」
「哼！」貓揚起頭，「佢算係救過我，我係隻好公道嘅貓，緊張返佢都好正常。」
「佢點救過你？」
「見你咁悶又咁想知，就講俾你聽下，」貓將目光往上移，「之前養我嘅人當我係生日禮物買咗來養，但唔少人養寵物都係三分鐘熱度，有事嫌麻煩就將我丟喺街上。有個義工好心救番我，但我身體已經差到時日無多。」
「之但係好好彩，有佢領養咗我。本來一年貨仔竟然捱多咗五六年… …」貓舔一舔左邊肉掌，「而且，同佢一齊我好開心；上天總算對我不薄… …」
「你唔捨得佢？」
「哼！係佢唔捨得！我睇下佢有幾唔捨得我！」
貓永遠都係傲嬌嘅… …樹想。
就喺凡間嘅輕熟女諗緊點樣夾出條乳溝去同人講對唔住時，有一個少婦喺樹同貓嘅眼前出現。
少婦行得好慢，而且一臉躊躇，行下停下，又不時回頭，好似成日凝住漏低嘢咁。
佢經過樹，來到聖彼德嘅面前；聖彼德查一查手上本簿，確認少婦嘅名，講咗句「你遲到咗好多喎」，然後開門俾少婦入去。
打開嘅門透出白光，不斷傳來歡樂嘅歌聲，但完全吸引唔到少婦。佢又擰轉頭望返凡間，又望望聖彼德，然後話：「我想坐陣先… …」
聖彼德連續見到兩個過門不入嘅人（同貓），嘆一口氣又將門閂埋。
少婦行到樹下，背倚著樹坐低。樹見到佢細心望住凡間下嘅一個男人，望住佢細心照顧一大堆鬱金香。少婦好似欣賞一套文藝電影咁，醉心咁睇住每一個細節。
「唔係咁呀！咁樣啲花唔會靚… …」
「哎吔… …施肥唔係咁施… …」
「咁大力挖啲泥會傷到啲根… …」
一定係佢生前最愛惜嘅花，同男人。樹想。
「바보！你無咗我就咁樣……」佢抬頭望著樹蔭，「琴日仲要俾人激到用對手插入沙池… …」
少婦甜絲絲傻笑咗一下後，眼角忽然滴出淚珠。
「我好掛住你… …오빠… …」
又一個同是天涯淪落人… …樹想。
少婦從淚眼間看見樹上嘅貓，想起某事，企起身打開雙手去抱它。
貓擅於爬上樹卻不擅於爬落來，見到少婦嘅雙手，立刻跳入佢嘅懷抱。
少婦將貓抱入懷裡，輕輕撫著貓嘅長毛。佢嘅手勢純熟，連呢隻高傲嘅貓都被摸到唔想走。
「떡국……」
「我叫可樂呀……」但少婦只聽到「喵」。
「雖然我知你唔係佢，但請俾我咁叫你……」
「見你摸得咁舒服，唔同你計。」貓將頭往少婦嘅下乳摩挲著。
「你見唔見到嗰個男人？」少婦右手指向剛才打理花草嘅男人，「你可唔可以陪我一直到佢忘記我？」
「我唔係想陪你㗎，只係咁啱要睇住我個奴僕，否則我先唔會留喺度。」
「你喵喵咁叫，我當你應承咗喇。」
「人類都係唔講理嘅。」
「你知唔知呀，唔少電視劇嘅男女主角鬥嘴後成為情侶；你覺得佢會唔會同嗰個喺網上同佢嗌交嘅女仔成為一對呢？」
「我奴僕跟我咁耐，咁好眼光，先唔會揀你個男人。」
「如果係就好……咁佢可以開開心心忘記我……」
「等你個男人唔好有咁多錯別字先喇！」
「希望佢可以忍到個女仔唔用全形標點符號啦……」
從今日起，樹開始和她、和牠，細心閱讀他和她喺極夜之城內嘅故事。
當然，仲有睇到呢度嘅你哋。
留言
發佈留言