「媽,我頭先撞到個朋友,想一齊食飯,今晚會遲啲返屋企。」 「係咪女仔呀?」電話另一邊嘅語音笑住講,「記住唔好太夜返屋企。」 我答咗「知道」後收咗線,結城老師就遞咗個餐牌過嚟,一睇先知呢間餐廳嘅嘢食幾貴,立即諗到自己嘅零用錢夠唔夠。 「放心,老師請你。」佢好似睇穿我嘅心思,「無理由要一個無收入嘅學生食咁貴嘅晚飯。」 「唔……唔使嘞……我俾得起嘅……」作為男生,覺得無論對方係邊個,都應該要表示大方。 「噗哧!」老師忽然掩嘴一笑,「你只係十六歲,未需要扮老成大體,但我相信你會知分寸,唔會叫過量或過貴嘅嘢食嘅。」 「當……當然唔會。」 「唔介意我飲酒嘛?」 「唔介意……平時老師會飲酒?」 「本身唔係成日飲,只係今晚有酒癮。」 「唔搵朋友陪你?」 「我呢個年紀,身邊嘅朋友都結晒婚或有男朋友,唔想打擾佢哋。」 「所以你搵… …牛郎?」 結城老師靜咗一陣,未開口答我前被走過嚟嘅侍應搶先開口。我哋只好轉換話題,點好自己想食嘅菜式。 然後,打斷咗嘅說話再無連上。 我哋靜靜咁等侍應放低各自嘅餐點,輕輕咁拎起刀叉,切開各自嘅食物,放入口內慢慢咀嚼。餐廳播起一首好舊嘅英文歌,去到副歌部分,樂隊不停唱住「Let it be」。 我唔係好知點解,只覺得佢同老匠人嘅說話不謀而合。 「對唔住,結城老師。」意粉剩低一半時,我放下刀叉望住白色圓碟上嘅青口講。 「做咩事無端端道歉?」佢亦放低餐具,右手溜入我視線中,拎起眼角內嘅酒杯。我隨住紅酒望向佢。 「嗰排我心好煩,因為無論我做咩嘢、喺咩時候,個腦就會浮現一個女仔嘅模樣;」我將目光稍稍移到佢臉側空白嘅牆,「我做咗好多嘢去壓抑,令自己唔去想去諗,但都無作用。我唔知點去面對、去排解,然後嗰日你關心我嘅時候,我煩躁得對你大聲無禮說話,所以想道歉。」 結城老師放低酒杯,鬆一口氣微笑說:「如果你係同我一樣年紀,我會話咁大個人仲煩呢啲小事,但十六歲嘅你,呢啲係足以影響將來嘅人生大事,所以你放心,我唔會怪你或者嬲你。」 「唔好意思……」 「個女仔係邊個?講唔講得被我知?」結城老師嘅語氣同神情,好似返到佢中學時同班上同學聊八卦嘅模樣。 「唔……佢係我以前初中嘅同學……」 「講多啲俾我聽下?大概係咩樣?你同佢點識?有過咩交流?」佢興奮得大口大口飲完杯酒後,舉手叫侍應續杯。 我被佢一連串嘅問題嚇親,連忙喺腦內搵初中時校園生活點滴去應付。結城老師一邊呷住紅酒,一邊聽我似是而...
往日海旁一帶唔係來自世界各地嘅遊客嚟消費住宿,就係一班對文化藝術有興趣嘅老中青去參觀博物館或文化中心。當然,仲會有唔少情侶手拖手漫步海濱公園,吹吹海風談談心。
不過,呢一日聚集喺呢度,甚至呢區嘅,都唔係平時會嚟嘅人。
放眼望去,只見成個海旁嘅人,雖然各自戴上口罩、面具或豬嘴,而認唔出對方嘅樣貌,但都不約而同地著住黑色衫,手纏黃絲帶,抵住不願離開嘅暑夏,喺悶熱嘅天氣下嗌住同一個口號。
「撤法撤例!查警查暴!」
「撤法撤例!查警查暴!」
每當前面有人大叫口號,後面嘅人就反射地跟住叫。
而我亦在其中。
作為一個應該死鋤爛鋤最後論文嘅大學生,今日實在唔應該喺度。不過,如果我(同埋其他人)今日唔喺度,唔為呢個城市發一點聲,就算我份論文執得幾好都無用。
想想如果惡法過咗,警暴不止,我所讀嘅書、將來做嘅事,甚至我整個人生,只會建築喺一盤沙石上。只要唔合意,政權可以隨時抽起,警權可以任意推倒。
或曰,人生只求安逸,只做佢哋合意嘅,就唔會有事。
官字兩個口,除咗今日講呢樣,第日可以講另一樣外,仲要滿足兩把口嘅食慾,係根本唔可能。
然後,又有人同我講,唔可能?你見唔少人都做到喇!
係,係有人做到;君不見嗰班人放棄幾多良知,放棄幾多自由,被人揸住幾多痛腳?
要我咁樣做一世人,真係做隻貓做隻狗好過。
況且,根本唔需要做到咁,尤其喺呢個曾經星光燦爛嘅城市。
我隨住呢片黑海繼續前行,一邊高叫口號,一邊舉拳振臂。
終於來到分區總署附近。
「前面嘅市民,你哋可能正參與非法集會,請盡速散去。」
前面嘅指揮官舉起大聲公如是說。
忽然覺得機器要用機器傳聲幾可笑。
「呢度有言論自由、集會自由,去表達我哋嘅訴求!」遠處帶領人群嘅示威發起人同樣地舉起大聲公道。
「藍旗已經舉起,請示威人士盡速離開,否則武力驅散!」
國家機器再次透過擴音機警告。
當刻,我同幾個已經上咗豬嘴嘅手足衝咗上人群前方,準備對峙。一來可以為後面嘅示威者爭取時間撤退同散水,二來我覺得點解咁多人都認為啱嘅嘢,但要我哋退讓呢?
同並排嘅一眾黑衣人反射地打開雨傘擋在前面,與對面一手長盾一手警棍嘅一排警察相距只有五十米。
呢五十米,就好似英德一戰時嘅無人地帶,只要踏出去就等同開戰。
其實大家心知,兩方武力懸殊,開乜嘢戰?挨打就有份,只求退時,後面啲人醒水唔好留戀,收口撤快少少。
「前面嘅示威者聽住,你哋再唔離開,將會觸犯法例,警方會以武力驅散同拘捕。」
「後面嘅人走緊未?」隔離嘅黑衣人震住問我。
見佢又比我瘦又比我矮,把聲未變就要企呢個位,心裡真係好唔舒服。
「頭先我聽到佢哋退緊。」
「咁就好……」佢聽起來定咗少少。
其實……我都唔知後面咩情況,但有時假話比真話對事情更有幫助。
對面嘅防暴開始踏前幾步,收緊雙方距離,我嘅每下心跳嘅距離都短咗。
揸緊雨傘嘅手揸得更緊,手心嘅汗出得更多。
「叫咗後面嘅人撤未?」身後一個控場好勞氣問哨兵。
「叫咗喇!但係再褪係海港,唔通叫佢哋游水咩?等船等車都要時間。」
「咁快啲通知個議員出來,鎮住班癲狗先!」
「好!」哨兵立刻去咗搵個議員。
「依家點算?」隔離嘅黑衣人又問我。
「見步行步,有咩事走先,我幫你頂住。」
「點可以?」
「聽你把聲分分鐘未成年,你大把前途,唔好喺度出事。」
佢靜咗一陣,反而鎮定落嚟話:「出得嚟企得呢個位,就要有必死嘅覺悟。」
「有呢個覺悟係好,但命仔一定要留住。」
「無錯,煲底見。」
我點點頭,雙眼重新集中喺對面嘅防暴上。
過無耐,一個身穿軍藍色恤衫嘅男人走入無人帶。我認得佢係成日上前線嘅其中一個議員。佢舉起大聲公大叫:「我係單議員,我哋只係想表達我哋嘅訴求。依家示威者已經喺後面逐漸離去,我要求同指揮官對話。希望警方克制、有耐性。」
一個白色恤衫嘅警察指揮官走入無人帶,同個議員密密傾。
兩邊人馬屏息以待,每個人嘅精神都似一條拉緊嘅橡筋。
幾分鐘嘅時間有如一世紀咁長,無人帶嘅二人分開。指揮官示意防暴往後退回原本嘅位置,而議員亦叫我哋退後。
「請大家慢慢退後,唔好挑釁警方。」
「退?次次都退,可以爭取到啲乜嘢?」有人喺前線大叫,「我哋唔係嚟做場戲就散水走人!」
「作為議員,我會幫你哋喺議會上爭取!」
「議會戰線講咗咁耐,有咩成果?!」同一人繼續叫喊,不少人聽後不住點頭,甚至鼓噪起來,「人哋當你係小丑咁玩咋!」
「咁你哋依家又可以做到啲乜?衝上去被人打然後被拉?」馮議員行近嗰位示威者,說得又憤怒又無奈。
「我係唔會走!」說完個示威者就坐低咗,另外亦有幾個跟住坐低。
「咁我哋點?」隔離嘅黑衣人問我。
我實在唔想佢咁年輕就被失蹤,就同佢講:「先慢慢退,睇有幾多人唔走先決定。」
佢點點頭,我哋兩個就褪後咗幾步。只見坐低嘅為數不多,雖然有啲擔心佢哋,但實在唔想拖隔離嗰個落水。
我哋同佢哋大慨隔咗十米,中間仲有啲零星嘅示威者,而馮議員一直勸佢哋離開。
忽然,防暴踏步向前,收窄咗無人帶嘅距離。
噠噠!噠噠!噠噠!
有如見到獵物嘅嗜血半獸人。
呢一刻,無得唔怯… …
尤其係已經打算退嘅我。
我當下加快咗腳步,攝咗入中後場嘅人群內。
「呢度應該安全… …」我回頭同黑衣人講,但見唔到佢。
人呢?
回頭望番前線,原來佢已經走番轉頭。
我立刻轉身,但見到防暴來勢洶洶,雙腳竟然釘咗喺地上。
「走啦!趁前面有人頂住!」身邊帶住口罩嘅人拉住我。
我甩開拉住我嘅人,衝咗上前線。見到半獸人同示威者已經開打。幾個鴨屎綠嘅圍住一個黑衣嘅往死裡又打又壓。唔少黑衣人就好似素描用嘅肢體木偶咁,手腳往不同方向被反扭著。被跪住嘅喉嚨就連叫喊都做唔到。
我好想去救佢哋,但我做唔到。
因為飛去前線嘅,只有我嘅意識… …
而身體只係懦弱地逃到一個隱蔽無天眼嘅地方,悄悄地除低咗黑衫。
我低住頭,不發一言,默默行番喺大學附近同人合租嘅單位。打開房門,共用嘅大廳同廚房無著燈,只有門縫偷走出嚟嘅燈光。行入自己嗰個現代籠屋般嘅單人房,閂門,沒有開燈,放低裝備,拉開入牆衣櫃櫃門。抱膝坐咗喺裡面,拉番道門。
黑暗。
身體開始哆嗦。
不住顫抖……
防暴漲紅的眼喺黑暗中亮起。
我死命抱緊雙膝,臉埋喺膝前,盼望那腥紅嘅視線搵唔到我。
之不過,當我偷望佢嘅時候,我發現那雙紅眼已經凝視著我。
究竟係身體嘅抖擻,定身上殘留嘅催煙味,令佢發現到我?
我將眼皮緊閉,緩慢卻用力地呼吸。之不過,喺黑暗中,合埋眼同張開眼根本無分別。
身體因為恐懼而震到連坐都坐唔到,成個人喺衣櫃地上蜷曲。如果我阿媽俾我入番佢肚內,我肯定立刻捐番入去。
手肘剛好碰到地上嘅睡袋,既然入唔番子宮,入去個睡袋頂住都好。當全身被睡袋包住時,安全感油然而生;睡袋好似保護住我,遮擋咗紅眼嘅視線,我開始無咁驚,身體亦無咁震。
無耐,腥紅視線消失,我走出睡袋、走出衣櫃。個肚「咕咕」響咗幾下,先發覺朝早出去發夢後都未食過嘢。
諗起廚房已經無乜糧,就換咗套衫出咗去附近嘅屋邨商場。
入去超市,掃咗一箱杯麵、一打雞蛋、一包腸仔、一袋因為有幾個發霉而大減價嘅橙,同埋幾紮快爛嘅白菜。
加埋本身廚房剩低嘅麵包、沙律、片裝芝士同火腿,應該夠我食五到七日。
埋單計二百蚊有找。
正要返歸時,行過濕貨街市,見到有檔海鮮。
我記得中學公開試前,老豆老母日日都買條魚返屋企蒸俾我食,話有奧米加三脂肪酸,幫助腦部健康,等我考得好成績。唔知係咪真係有幫助,我真係考得比我預期好,仲入到本來我以為入唔到嘅科目,開心到兩老擺咗三圍慶祝。
不過,呢一日聚集喺呢度,甚至呢區嘅,都唔係平時會嚟嘅人。
放眼望去,只見成個海旁嘅人,雖然各自戴上口罩、面具或豬嘴,而認唔出對方嘅樣貌,但都不約而同地著住黑色衫,手纏黃絲帶,抵住不願離開嘅暑夏,喺悶熱嘅天氣下嗌住同一個口號。
「撤法撤例!查警查暴!」
「撤法撤例!查警查暴!」
每當前面有人大叫口號,後面嘅人就反射地跟住叫。
而我亦在其中。
作為一個應該死鋤爛鋤最後論文嘅大學生,今日實在唔應該喺度。不過,如果我(同埋其他人)今日唔喺度,唔為呢個城市發一點聲,就算我份論文執得幾好都無用。
想想如果惡法過咗,警暴不止,我所讀嘅書、將來做嘅事,甚至我整個人生,只會建築喺一盤沙石上。只要唔合意,政權可以隨時抽起,警權可以任意推倒。
或曰,人生只求安逸,只做佢哋合意嘅,就唔會有事。
官字兩個口,除咗今日講呢樣,第日可以講另一樣外,仲要滿足兩把口嘅食慾,係根本唔可能。
然後,又有人同我講,唔可能?你見唔少人都做到喇!
係,係有人做到;君不見嗰班人放棄幾多良知,放棄幾多自由,被人揸住幾多痛腳?
要我咁樣做一世人,真係做隻貓做隻狗好過。
況且,根本唔需要做到咁,尤其喺呢個曾經星光燦爛嘅城市。
我隨住呢片黑海繼續前行,一邊高叫口號,一邊舉拳振臂。
終於來到分區總署附近。
「前面嘅市民,你哋可能正參與非法集會,請盡速散去。」
前面嘅指揮官舉起大聲公如是說。
忽然覺得機器要用機器傳聲幾可笑。
「呢度有言論自由、集會自由,去表達我哋嘅訴求!」遠處帶領人群嘅示威發起人同樣地舉起大聲公道。
「藍旗已經舉起,請示威人士盡速離開,否則武力驅散!」
國家機器再次透過擴音機警告。
當刻,我同幾個已經上咗豬嘴嘅手足衝咗上人群前方,準備對峙。一來可以為後面嘅示威者爭取時間撤退同散水,二來我覺得點解咁多人都認為啱嘅嘢,但要我哋退讓呢?
同並排嘅一眾黑衣人反射地打開雨傘擋在前面,與對面一手長盾一手警棍嘅一排警察相距只有五十米。
呢五十米,就好似英德一戰時嘅無人地帶,只要踏出去就等同開戰。
其實大家心知,兩方武力懸殊,開乜嘢戰?挨打就有份,只求退時,後面啲人醒水唔好留戀,收口撤快少少。
「前面嘅示威者聽住,你哋再唔離開,將會觸犯法例,警方會以武力驅散同拘捕。」
「後面嘅人走緊未?」隔離嘅黑衣人震住問我。
見佢又比我瘦又比我矮,把聲未變就要企呢個位,心裡真係好唔舒服。
「頭先我聽到佢哋退緊。」
「咁就好……」佢聽起來定咗少少。
其實……我都唔知後面咩情況,但有時假話比真話對事情更有幫助。
對面嘅防暴開始踏前幾步,收緊雙方距離,我嘅每下心跳嘅距離都短咗。
揸緊雨傘嘅手揸得更緊,手心嘅汗出得更多。
「叫咗後面嘅人撤未?」身後一個控場好勞氣問哨兵。
「叫咗喇!但係再褪係海港,唔通叫佢哋游水咩?等船等車都要時間。」
「咁快啲通知個議員出來,鎮住班癲狗先!」
「好!」哨兵立刻去咗搵個議員。
「依家點算?」隔離嘅黑衣人又問我。
「見步行步,有咩事走先,我幫你頂住。」
「點可以?」
「聽你把聲分分鐘未成年,你大把前途,唔好喺度出事。」
佢靜咗一陣,反而鎮定落嚟話:「出得嚟企得呢個位,就要有必死嘅覺悟。」
「有呢個覺悟係好,但命仔一定要留住。」
「無錯,煲底見。」
我點點頭,雙眼重新集中喺對面嘅防暴上。
過無耐,一個身穿軍藍色恤衫嘅男人走入無人帶。我認得佢係成日上前線嘅其中一個議員。佢舉起大聲公大叫:「我係單議員,我哋只係想表達我哋嘅訴求。依家示威者已經喺後面逐漸離去,我要求同指揮官對話。希望警方克制、有耐性。」
一個白色恤衫嘅警察指揮官走入無人帶,同個議員密密傾。
兩邊人馬屏息以待,每個人嘅精神都似一條拉緊嘅橡筋。
幾分鐘嘅時間有如一世紀咁長,無人帶嘅二人分開。指揮官示意防暴往後退回原本嘅位置,而議員亦叫我哋退後。
「請大家慢慢退後,唔好挑釁警方。」
「退?次次都退,可以爭取到啲乜嘢?」有人喺前線大叫,「我哋唔係嚟做場戲就散水走人!」
「作為議員,我會幫你哋喺議會上爭取!」
「議會戰線講咗咁耐,有咩成果?!」同一人繼續叫喊,不少人聽後不住點頭,甚至鼓噪起來,「人哋當你係小丑咁玩咋!」
「咁你哋依家又可以做到啲乜?衝上去被人打然後被拉?」馮議員行近嗰位示威者,說得又憤怒又無奈。
「我係唔會走!」說完個示威者就坐低咗,另外亦有幾個跟住坐低。
「咁我哋點?」隔離嘅黑衣人問我。
我實在唔想佢咁年輕就被失蹤,就同佢講:「先慢慢退,睇有幾多人唔走先決定。」
佢點點頭,我哋兩個就褪後咗幾步。只見坐低嘅為數不多,雖然有啲擔心佢哋,但實在唔想拖隔離嗰個落水。
我哋同佢哋大慨隔咗十米,中間仲有啲零星嘅示威者,而馮議員一直勸佢哋離開。
忽然,防暴踏步向前,收窄咗無人帶嘅距離。
噠噠!噠噠!噠噠!
有如見到獵物嘅嗜血半獸人。
呢一刻,無得唔怯… …
尤其係已經打算退嘅我。
我當下加快咗腳步,攝咗入中後場嘅人群內。
「呢度應該安全… …」我回頭同黑衣人講,但見唔到佢。
人呢?
回頭望番前線,原來佢已經走番轉頭。
我立刻轉身,但見到防暴來勢洶洶,雙腳竟然釘咗喺地上。
「走啦!趁前面有人頂住!」身邊帶住口罩嘅人拉住我。
我甩開拉住我嘅人,衝咗上前線。見到半獸人同示威者已經開打。幾個鴨屎綠嘅圍住一個黑衣嘅往死裡又打又壓。唔少黑衣人就好似素描用嘅肢體木偶咁,手腳往不同方向被反扭著。被跪住嘅喉嚨就連叫喊都做唔到。
我好想去救佢哋,但我做唔到。
因為飛去前線嘅,只有我嘅意識… …
而身體只係懦弱地逃到一個隱蔽無天眼嘅地方,悄悄地除低咗黑衫。
我低住頭,不發一言,默默行番喺大學附近同人合租嘅單位。打開房門,共用嘅大廳同廚房無著燈,只有門縫偷走出嚟嘅燈光。行入自己嗰個現代籠屋般嘅單人房,閂門,沒有開燈,放低裝備,拉開入牆衣櫃櫃門。抱膝坐咗喺裡面,拉番道門。
黑暗。
身體開始哆嗦。
不住顫抖……
防暴漲紅的眼喺黑暗中亮起。
我死命抱緊雙膝,臉埋喺膝前,盼望那腥紅嘅視線搵唔到我。
之不過,當我偷望佢嘅時候,我發現那雙紅眼已經凝視著我。
究竟係身體嘅抖擻,定身上殘留嘅催煙味,令佢發現到我?
我將眼皮緊閉,緩慢卻用力地呼吸。之不過,喺黑暗中,合埋眼同張開眼根本無分別。
身體因為恐懼而震到連坐都坐唔到,成個人喺衣櫃地上蜷曲。如果我阿媽俾我入番佢肚內,我肯定立刻捐番入去。
手肘剛好碰到地上嘅睡袋,既然入唔番子宮,入去個睡袋頂住都好。當全身被睡袋包住時,安全感油然而生;睡袋好似保護住我,遮擋咗紅眼嘅視線,我開始無咁驚,身體亦無咁震。
無耐,腥紅視線消失,我走出睡袋、走出衣櫃。個肚「咕咕」響咗幾下,先發覺朝早出去發夢後都未食過嘢。
諗起廚房已經無乜糧,就換咗套衫出咗去附近嘅屋邨商場。
入去超市,掃咗一箱杯麵、一打雞蛋、一包腸仔、一袋因為有幾個發霉而大減價嘅橙,同埋幾紮快爛嘅白菜。
加埋本身廚房剩低嘅麵包、沙律、片裝芝士同火腿,應該夠我食五到七日。
埋單計二百蚊有找。
正要返歸時,行過濕貨街市,見到有檔海鮮。
我記得中學公開試前,老豆老母日日都買條魚返屋企蒸俾我食,話有奧米加三脂肪酸,幫助腦部健康,等我考得好成績。唔知係咪真係有幫助,我真係考得比我預期好,仲入到本來我以為入唔到嘅科目,開心到兩老擺咗三圍慶祝。
之但係,無人會忘記嗰年九月。
留言
發佈留言