三月下旬，爸爸得到公事上得到提攜，被指派到大城市返工，於是我哋一家離開海邊古老嘅佐津市，搬到鄰縣首府嘅盛屋市。 喺駛往新地方嘅火車窗外，望見盛開而落、只剩低無數椏枝嘅櫻花樹，感覺就好似我一樣，所有嘢都要重新開始。 「佢係今年由佐津市內中學轉嚟嘅新同學，請各位同佢好好相處。」早會時班主任喺講台上將我介紹俾班上嘅同學，「你就坐嗰邊嘅空位。」 「請各位多多指教。」我向面前嘅所有人稍稍鞠躬後，行到自己座位坐低，準備上堂。 上完第一節課，一部分好奇心重嘅同學開始過嚟問我初中嘅事、點解會轉校、有咩喜好等；當刻，我感到人生新嘅一章應該唔會太差。 可惜，當所有同學都知道我呢個轉校生嘅一切背景，加上呢間學校係大學附屬中學嘅高校，即係幾乎所有同學喺初中時已經熟絡、有自己嘅圈子時，就開始減少對我嘅興趣。 我唔係無試過融入佢哋嘅圈子，只不過喺大城市出世嘅佢哋，鍾意喺商店街吃喝玩樂，而喺舊城市長大嘅我，對做工藝品比較有興趣，結果我只能安靜跟住佢哋，間中陪佢哋笑笑。 過咗一排，佢哋無再約我，而我亦唔係一個喺某方面特別突出嘅學生，所以除咗禮拜上嘅對話，就再無更多嘅交流。 除咗結城老師。 入學後第一個禮拜，學校為咗協助轉校生融入校園，將我分派到佢嘅輔導班下。每逢星期二同星期五放學後非值日嘅日子，都要到輔導室同佢講下學校及生活等呢啲話題。每次結城老師聽完只會點頭，或者喺我話語中深入問一啲問題，作為佢下次輔導嘅方向。 校內嘅霸凌問題因為各人都以升學為目標，所以並唔嚴重；另外從小戶外活動較多嘅我，長得算高大同強壯，再加上輔導老師無形嘅保護，第一學期嘅校園生活平平無奇但亦無任何壞事發生。 ※ 「暑假有咩計劃？」七月下旬，假期前最後一個星期五，結城老師問我。 「我……我未有計劃。」 「我知你對傳統手工藝有興趣，雖然學校未有呢啲社團，但類似嘅都唔少，點解唔參加？」 「我對社團活動無興趣。」 「有無特別鍾意邊門手工藝？」 腦內立刻湧起中三時觀賞過嘅展品，但我無回答佢。 「未有頭緒？」結城老師托起頭講，「雖然盛屋市係一個現代化嘅大都會，但都有一啲舊街老店。我呢度有啲資料，暑假得閒不如去逛逛？」佢將一啲小冊子同打咗圓圈嘅市內地圖放喺書檯上，推到我面前。 我拎起睇睇，的確係我會有興趣去嘅地方，有幾個更加已經吸引咗我眼球，盤算緊幾時同點樣去。 「見到你好似有興趣，作為輔導老師嘅我能夠幫到你，真係鬆一口氣。」喺我集中精神...
往後嘅一個月，我食嘅每一樣嘢，無論係味精濃過海水嘅公仔麵，定係淡而無味嘅白飯，只有嚐到佢嘴唇嘅軟滑同香氣。
我開始每一晚輾轉難眠，直到攞出個睡袋，聞到嗰陣遺留嘅體香，先可以心安入睡。
甚至有幾晚，夢中嘅我變成拎住劍和盾嘅騎士，擋在著住公主服嘅佢前面，對抗洶湧而來嘅種種怪物。
我未試過呢種朝思暮想嘅感覺，意識到自己係咪鍾意咗佢。但當我諗深一層、諗遠一啲，就知道就算我鍾意咗佢，甚至兩情相悅，都唔會有好結果。
佢係一個靠販賣肉體生活嘅妓女，就算真係如佢所講以後唔做，我可以接受到佢嘅過去嗎？
我係一個參與抗爭嘅大學生，被社會同傳媒認定嘅搞事者，佢又接受到嗎？
再者，生活係現實嘅。佢唔做就無錢，而我讀完書或者被秋後算帳，只能喺呢個跪低咗嘅社會做低下工作，養唔養得起兩個人都成問題。
夢發完就算喇……唔好妄想太多……
如無意外……
「凌晨我哋決定去大學附近嘅隧道口堵路，迫使政府回應訴求。有意參加到嘅大學集合。」我喺其他同學借來嘅手提電話見到呢個訊息。
於是當晚，我蒸咗雪喺冰格嘅最後一塊魚柳，煮咗比平時多嘅飯同菜，食得比平時飽肚，執好所有裝備，到街中一處暗角上裝後，就跑到大學外集合。
大學門口已經聚集咗唔少黑衣人，每一個都上哂眼罩豬咀，低聲討論陣間嘅行動。
「……用鐵馬、垃圾筒大型物件塞住隧道出入口……有無人有六角匙？」話者見有幾個點頭後，「咁你哋就拆鐵欄。」
「另外搵啲人起磚，同拎啲磚去堵路，仲有睇水。」另一人道。
「好，大家有無其他意見？」第一個話者說。
眾人搖頭。
「萬事小心，見機行事。」
「撤法撤例！查警查暴！」大家叫咗聲一路以來嘅口號同宗旨，就分頭行事。
我決定去搬大件物品。我同其他人先將附近搵到嘅鐵馬同垃圾筒搬到馬路邊，然後逐一逐一搬進馬路。其中一兩個手足喺收費處前協助前來嘅汽車掉頭。搬完鐵馬垃圾筒，就搬鐵欄同放磚。
過咗個半小時，隧道出入口總共八條行車線，已經俾雜物堵住。兩邊車輛只能掉頭原路折返。
我哋分一批人巡邏睇水，一批人協助車輛掉頭，一批人休息。
好快就到天光，汽車愈來愈多，亦開始見到大型車輛如巴士、貨車等。我哋商議好，除咗救護車、消防車或載有將近臨盆孕婦嘅私家車外，其他車我哋會有禮貌叫佢哋掉頭。
雖然唔少傳媒抹黑抗爭者嘅行為，但睇來唔少人知道呢個城市已經病入膏肓，都會表示理解同合作。
只係，總有被蒙在鼓裡，或唔願醒嘅人，就好似我阿爸咁。
「你班大學生有書唔讀，搞埋呢啲示威堵路，阻住人搵食！」一個中年的士佬喺架的士走咗出嚟指罵著我哋。
本來我哋無佢咁好氣，由佢大叫大罵，但佢開始拆我哋嘅路障，就唔能夠唔理。幾個手足立刻上前，阻止佢繼續之餘，亦有人盡量解釋我哋依家嘅立場，而我同幾個就上前去修補。
的士佬可能見我哋人勢洶湧，一邊鬧一邊入番架的士。以為佢就咁掉頭，誰知佢踩油向我哋衝埋嚟！
「你個仆街冚家鏟！」「癲撚咗呀死廢老！」
好彩無撞到我哋其中任何人，我同其個手足即刻攞地上嘅磚頭丟過去。磚頭打爛咗車頭玻璃，的士炒咗上路障郁唔到，我哋成班人乘機衝上去拖咗的士佬出嚟。
「死廢老你癡咗線呀！」幾個手足圍住佢又推又撞。
「唔好郁手呀！」的士佬手指指住我哋，想從人圈中走出。
「邊個郁手先呀？你個仆街揸架車撞我哋喎！」
一輪爭吵後，最後我哋唔想多惹事端，加上公開私了被記者影到，對成件事無幫助，就放佢走。
「成班曱甴咁款，報警拉鳩哂你哋。」的士佬抱住頭走咗上附近嘅天橋。
雖然我預咗警察會嚟，但由佢講出口，心頭嗰少少「警察未必會嚟」嘅僥幸完全幻滅。
唔少手足都靜咗，大家心知好快有大事發生。
「不如放咗啲電油，翻轉架的士做路障。」其中一個手足冷靜咁講。
唔少人點頭，我哋十幾個人將架的士翻轉，攞咗巴士亭裡面水機旁嘅大水樽，用鐵枝整穿咗個重力閥，裝咗幾樽汽油放喺路邊。
無幾耐，遠處傳來喁喁低沉嘅警笛聲，眾人立刻停止手中嘅工作，攞起帶來嘅雨傘戒備。
警笛聲愈來愈近，尖銳得刺痛耳膜。唔少防暴由警車走出來，個個都裝備十足，不禁令所有手足心驚膽顫。
「前面嘅示威者，你哋已經犯咗法，警方勸你哋放低武器自首！」
我哋約百幾人以路障作為防禦，連我在內最前幾排嘅人雨傘已經打開。對面嘅防暴亦以長盾擋在前面，排好陣勢準備推進。
但見防暴寸步不移，只係隔空對峙；橫跨隧道口前嘅天橋有手足、有途人，所有人都同路障前嘅我哋一樣屏息以待，想知道佢哋究竟有咩打算。
我諗起《吳小姐》。
時間突然好慢，周圍好靜 ……
無人帶嘅空氣愈見沉重……
唔知過咗幾耐，長盾各自兩邊紅海式分開，一輛裝上厚重鐵皮嘅車喺中間駛出嚟。
我哋好快就認得嗰架係……
水炮車！
幾乎所有人全身抖震，本來已經脆弱嘅雨傘陣依家更如危牆般岌岌可危。
當水炮車車頭伸出長盾陣時，其中一個防暴舉起黃旗，而全部防暴跟住水炮車一聲不響龜速踏前。
沉默同緩慢俾我哋嘅心理壓力，比平時聲嘶力竭時更大更重。
壓得我哋喘不過氣，頭腦都轉唔到。
水炮車開到天橋底附近時，一下低沉嘅物作撞擊聲劃破寧靜，所有人停咗喺原地。所有人望向聲音處。
天橋下嘅無人帶多咗本書。
「撤法撤例！查警查暴！」
然後，天橋上嘅手足開始將橋上有嘅雜物往下面嘅水炮車同防暴用力揼。石頭、磚頭、垃圾、垃圾筒，好似雷雨般灑落佢地頭上，逼得佢哋舉起盾牌擋住。
我哋見狀，亦開始向佢哋扔磚頭，阻止佢哋繼續行前。
水炮車當然唔會視而不見，立刻往天橋射出胡椒水，天橋上嘅手足只能散開逃避。
「呢度唔會頂得好耐……」旁邊嘅手足低聲道。
「不如從走上天橋逃入大學，然後由另一邊走……」我望望自己花咗四年讀書生涯嘅建築物，雖然未去過每一個角落，但總算自己地頭。
忽然諗起夢裡出現過嗰間色彩繽紛嘅屋仔。
「睇嚟只能夠咁樣……」
「先由最遠嗰批撤入去。」
「好……我去將消息傳過去。」
我點頭，右手又扔出一塊磚頭。
轉頭見到嗰位手足去到路障嘅另一頭，同其他人低頭講咗幾句；佢見到我望住佢，高舉豎起姆指嘅右手，示意得到嗰邊嘅人同意。
我亦舉手示意收到，同時揮手示意佢哋盡快行事。
遠處嘅手足一邊扔磚，一邊從其他人背後逃上天橋。防暴見傘陣嘅人開始逃走，加快腳步往我哋前進。同時，水炮車進入咗佢嘅射程範圍，立刻瞄準傘陣射出胡椒藍水。
傘陣又點會頂得住二百磅嘅衝擊力，唔夠一秒就被打開一個缺口，斷開兩截，連同雜物被沖往隧道。
「快啲走！」靠近天橋嘅手足們向另一邊嘅大叫，並且繼續扔磚。
被沖走而又企得翻嘅手足們，機警地往後面撤退；比較遠嗰幾個，到咗翻側嘅的士後面，用佢擋住水炮嘅攻擊。
我同其他人已經撤到路旁，隧道口只剩低的士後面幾個手足。防暴同水炮車已經同佢哋距離不遠，水炮亦不停向佢哋撤退嘅路射去。
佢哋幾個用力揮手，示意我哋盡速逃走，並舉起代表示威嘅手勢。
「仆佢個臭街！！」有一個想衝返出隧道口，即時被我哋幾個拉住。
「你出去我哋就少一個人！」「唔好衝動！」
我哋幾個攬實佢大嗌。
好快佢靜咗落嚟，上咗天橋樓梯。
「等等……」我忽然有種預感，叫住附近嘅手足，「我哋兩人一桶，將路邊啲汽油搬上去，搬幾多得幾多。」
有啲手足不明所以，但都照我意思去做。我哋抬起裝咗汽油嘅十幾公升大水樽，有一兩個比較壯嘅就自己抬一個，我自己亦揀咗個比較細嘅抬上天橋。
汽油樽拖慢咗我哋撤退嘅速度，防暴已經衝到路口。
「你哋先入去！」我拎出我把爬山瑞士刀，割開個水樽口，「邊個有火機？」
「你？！」
「唔好猶豫，快手！」我催促佢哋，「入到大學立即諗計封咗個出入口。」
「我有！」一把女聲遞出一個火機，轉頭向身後嘅手足道，「其他人快啲入去！」
我將樽內一部分嘅汽油倒落樓梯，另一部分倒喺天橋上，然後我隨手攞起一啲易燃嘅雜物，邊退邊大叫：
「唔想死嘅行開！」
我點起手中嘅雜物，扔到滿是汽油嘅天橋上，同時拉住個女仔往大學門口跑。
「蓬」一聲，成條樓梯同天橋口火光突起，聽到樓梯口嘅防暴猝不及防，咁「嘩」咗一聲，可惜我睇唔到佢哋碌落樓梯嘅情景。
我哋跑咗入大學，有幾個手足已經開始用膠櫈築起牆來，見到我哋就立刻揮手示意從旁邊嘅罅隙入去。
側身穿過障礙物入到大學，我開始鬆一口氣。
「頭先你好癲，」個女仔笑住講，「但夠勇武，我鍾意。」
「出得嚟個個都勇武，我只係初哥，未及得上其他人……」我呼口氣道，「同埋我有要搵嘅人。」
佢先呆一呆，拍拍我膊頭：「唔使咁快就請我食檸檬嘛？」然後行開前說，「希望煲底後大家都搵到要搵嘅人。」
「一定。」
我開始每一晚輾轉難眠，直到攞出個睡袋，聞到嗰陣遺留嘅體香，先可以心安入睡。
甚至有幾晚，夢中嘅我變成拎住劍和盾嘅騎士，擋在著住公主服嘅佢前面，對抗洶湧而來嘅種種怪物。
我未試過呢種朝思暮想嘅感覺，意識到自己係咪鍾意咗佢。但當我諗深一層、諗遠一啲，就知道就算我鍾意咗佢，甚至兩情相悅，都唔會有好結果。
佢係一個靠販賣肉體生活嘅妓女，就算真係如佢所講以後唔做，我可以接受到佢嘅過去嗎？
我係一個參與抗爭嘅大學生，被社會同傳媒認定嘅搞事者，佢又接受到嗎？
再者，生活係現實嘅。佢唔做就無錢，而我讀完書或者被秋後算帳，只能喺呢個跪低咗嘅社會做低下工作，養唔養得起兩個人都成問題。
夢發完就算喇……唔好妄想太多……
如無意外……
「凌晨我哋決定去大學附近嘅隧道口堵路，迫使政府回應訴求。有意參加到嘅大學集合。」我喺其他同學借來嘅手提電話見到呢個訊息。
於是當晚，我蒸咗雪喺冰格嘅最後一塊魚柳，煮咗比平時多嘅飯同菜，食得比平時飽肚，執好所有裝備，到街中一處暗角上裝後，就跑到大學外集合。
大學門口已經聚集咗唔少黑衣人，每一個都上哂眼罩豬咀，低聲討論陣間嘅行動。
「……用鐵馬、垃圾筒大型物件塞住隧道出入口……有無人有六角匙？」話者見有幾個點頭後，「咁你哋就拆鐵欄。」
「另外搵啲人起磚，同拎啲磚去堵路，仲有睇水。」另一人道。
「好，大家有無其他意見？」第一個話者說。
眾人搖頭。
「萬事小心，見機行事。」
「撤法撤例！查警查暴！」大家叫咗聲一路以來嘅口號同宗旨，就分頭行事。
我決定去搬大件物品。我同其他人先將附近搵到嘅鐵馬同垃圾筒搬到馬路邊，然後逐一逐一搬進馬路。其中一兩個手足喺收費處前協助前來嘅汽車掉頭。搬完鐵馬垃圾筒，就搬鐵欄同放磚。
過咗個半小時，隧道出入口總共八條行車線，已經俾雜物堵住。兩邊車輛只能掉頭原路折返。
我哋分一批人巡邏睇水，一批人協助車輛掉頭，一批人休息。
好快就到天光，汽車愈來愈多，亦開始見到大型車輛如巴士、貨車等。我哋商議好，除咗救護車、消防車或載有將近臨盆孕婦嘅私家車外，其他車我哋會有禮貌叫佢哋掉頭。
雖然唔少傳媒抹黑抗爭者嘅行為，但睇來唔少人知道呢個城市已經病入膏肓，都會表示理解同合作。
只係，總有被蒙在鼓裡，或唔願醒嘅人，就好似我阿爸咁。
「你班大學生有書唔讀，搞埋呢啲示威堵路，阻住人搵食！」一個中年的士佬喺架的士走咗出嚟指罵著我哋。
本來我哋無佢咁好氣，由佢大叫大罵，但佢開始拆我哋嘅路障，就唔能夠唔理。幾個手足立刻上前，阻止佢繼續之餘，亦有人盡量解釋我哋依家嘅立場，而我同幾個就上前去修補。
的士佬可能見我哋人勢洶湧，一邊鬧一邊入番架的士。以為佢就咁掉頭，誰知佢踩油向我哋衝埋嚟！
「你個仆街冚家鏟！」「癲撚咗呀死廢老！」
好彩無撞到我哋其中任何人，我同其個手足即刻攞地上嘅磚頭丟過去。磚頭打爛咗車頭玻璃，的士炒咗上路障郁唔到，我哋成班人乘機衝上去拖咗的士佬出嚟。
「死廢老你癡咗線呀！」幾個手足圍住佢又推又撞。
「唔好郁手呀！」的士佬手指指住我哋，想從人圈中走出。
「邊個郁手先呀？你個仆街揸架車撞我哋喎！」
一輪爭吵後，最後我哋唔想多惹事端，加上公開私了被記者影到，對成件事無幫助，就放佢走。
「成班曱甴咁款，報警拉鳩哂你哋。」的士佬抱住頭走咗上附近嘅天橋。
雖然我預咗警察會嚟，但由佢講出口，心頭嗰少少「警察未必會嚟」嘅僥幸完全幻滅。
唔少手足都靜咗，大家心知好快有大事發生。
「不如放咗啲電油，翻轉架的士做路障。」其中一個手足冷靜咁講。
唔少人點頭，我哋十幾個人將架的士翻轉，攞咗巴士亭裡面水機旁嘅大水樽，用鐵枝整穿咗個重力閥，裝咗幾樽汽油放喺路邊。
無幾耐，遠處傳來喁喁低沉嘅警笛聲，眾人立刻停止手中嘅工作，攞起帶來嘅雨傘戒備。
警笛聲愈來愈近，尖銳得刺痛耳膜。唔少防暴由警車走出來，個個都裝備十足，不禁令所有手足心驚膽顫。
「前面嘅示威者，你哋已經犯咗法，警方勸你哋放低武器自首！」
我哋約百幾人以路障作為防禦，連我在內最前幾排嘅人雨傘已經打開。對面嘅防暴亦以長盾擋在前面，排好陣勢準備推進。
但見防暴寸步不移，只係隔空對峙；橫跨隧道口前嘅天橋有手足、有途人，所有人都同路障前嘅我哋一樣屏息以待，想知道佢哋究竟有咩打算。
我諗起《吳小姐》。
時間突然好慢，周圍好靜 ……
無人帶嘅空氣愈見沉重……
唔知過咗幾耐，長盾各自兩邊紅海式分開，一輛裝上厚重鐵皮嘅車喺中間駛出嚟。
我哋好快就認得嗰架係……
水炮車！
幾乎所有人全身抖震，本來已經脆弱嘅雨傘陣依家更如危牆般岌岌可危。
當水炮車車頭伸出長盾陣時，其中一個防暴舉起黃旗，而全部防暴跟住水炮車一聲不響龜速踏前。
沉默同緩慢俾我哋嘅心理壓力，比平時聲嘶力竭時更大更重。
壓得我哋喘不過氣，頭腦都轉唔到。
水炮車開到天橋底附近時，一下低沉嘅物作撞擊聲劃破寧靜，所有人停咗喺原地。所有人望向聲音處。
天橋下嘅無人帶多咗本書。
「撤法撤例！查警查暴！」
然後，天橋上嘅手足開始將橋上有嘅雜物往下面嘅水炮車同防暴用力揼。石頭、磚頭、垃圾、垃圾筒，好似雷雨般灑落佢地頭上，逼得佢哋舉起盾牌擋住。
我哋見狀，亦開始向佢哋扔磚頭，阻止佢哋繼續行前。
水炮車當然唔會視而不見，立刻往天橋射出胡椒水，天橋上嘅手足只能散開逃避。
「呢度唔會頂得好耐……」旁邊嘅手足低聲道。
「不如從走上天橋逃入大學，然後由另一邊走……」我望望自己花咗四年讀書生涯嘅建築物，雖然未去過每一個角落，但總算自己地頭。
忽然諗起夢裡出現過嗰間色彩繽紛嘅屋仔。
「睇嚟只能夠咁樣……」
「先由最遠嗰批撤入去。」
「好……我去將消息傳過去。」
我點頭，右手又扔出一塊磚頭。
轉頭見到嗰位手足去到路障嘅另一頭，同其他人低頭講咗幾句；佢見到我望住佢，高舉豎起姆指嘅右手，示意得到嗰邊嘅人同意。
我亦舉手示意收到，同時揮手示意佢哋盡快行事。
遠處嘅手足一邊扔磚，一邊從其他人背後逃上天橋。防暴見傘陣嘅人開始逃走，加快腳步往我哋前進。同時，水炮車進入咗佢嘅射程範圍，立刻瞄準傘陣射出胡椒藍水。
傘陣又點會頂得住二百磅嘅衝擊力，唔夠一秒就被打開一個缺口，斷開兩截，連同雜物被沖往隧道。
「快啲走！」靠近天橋嘅手足們向另一邊嘅大叫，並且繼續扔磚。
被沖走而又企得翻嘅手足們，機警地往後面撤退；比較遠嗰幾個，到咗翻側嘅的士後面，用佢擋住水炮嘅攻擊。
我同其他人已經撤到路旁，隧道口只剩低的士後面幾個手足。防暴同水炮車已經同佢哋距離不遠，水炮亦不停向佢哋撤退嘅路射去。
佢哋幾個用力揮手，示意我哋盡速逃走，並舉起代表示威嘅手勢。
「仆佢個臭街！！」有一個想衝返出隧道口，即時被我哋幾個拉住。
「你出去我哋就少一個人！」「唔好衝動！」
我哋幾個攬實佢大嗌。
好快佢靜咗落嚟，上咗天橋樓梯。
「等等……」我忽然有種預感，叫住附近嘅手足，「我哋兩人一桶，將路邊啲汽油搬上去，搬幾多得幾多。」
有啲手足不明所以，但都照我意思去做。我哋抬起裝咗汽油嘅十幾公升大水樽，有一兩個比較壯嘅就自己抬一個，我自己亦揀咗個比較細嘅抬上天橋。
汽油樽拖慢咗我哋撤退嘅速度，防暴已經衝到路口。
「你哋先入去！」我拎出我把爬山瑞士刀，割開個水樽口，「邊個有火機？」
「你？！」
「唔好猶豫，快手！」我催促佢哋，「入到大學立即諗計封咗個出入口。」
「我有！」一把女聲遞出一個火機，轉頭向身後嘅手足道，「其他人快啲入去！」
我將樽內一部分嘅汽油倒落樓梯，另一部分倒喺天橋上，然後我隨手攞起一啲易燃嘅雜物，邊退邊大叫：
「唔想死嘅行開！」
我點起手中嘅雜物，扔到滿是汽油嘅天橋上，同時拉住個女仔往大學門口跑。
「蓬」一聲，成條樓梯同天橋口火光突起，聽到樓梯口嘅防暴猝不及防，咁「嘩」咗一聲，可惜我睇唔到佢哋碌落樓梯嘅情景。
我哋跑咗入大學，有幾個手足已經開始用膠櫈築起牆來，見到我哋就立刻揮手示意從旁邊嘅罅隙入去。
側身穿過障礙物入到大學，我開始鬆一口氣。
「頭先你好癲，」個女仔笑住講，「但夠勇武，我鍾意。」
「出得嚟個個都勇武，我只係初哥，未及得上其他人……」我呼口氣道，「同埋我有要搵嘅人。」
佢先呆一呆，拍拍我膊頭：「唔使咁快就請我食檸檬嘛？」然後行開前說，「希望煲底後大家都搵到要搵嘅人。」
「一定。」
留言
發佈留言