三月下旬，爸爸得到公事上得到提攜，被指派到大城市返工，於是我哋一家離開海邊古老嘅佐津市，搬到鄰縣首府嘅盛屋市。 喺駛往新地方嘅火車窗外，望見盛開而落、只剩低無數椏枝嘅櫻花樹，感覺就好似我一樣，所有嘢都要重新開始。 「佢係今年由佐津市內中學轉嚟嘅新同學，請各位同佢好好相處。」早會時班主任喺講台上將我介紹俾班上嘅同學，「你就坐嗰邊嘅空位。」 「請各位多多指教。」我向面前嘅所有人稍稍鞠躬後，行到自己座位坐低，準備上堂。 上完第一節課，一部分好奇心重嘅同學開始過嚟問我初中嘅事、點解會轉校、有咩喜好等；當刻，我感到人生新嘅一章應該唔會太差。 可惜，當所有同學都知道我呢個轉校生嘅一切背景，加上呢間學校係大學附屬中學嘅高校，即係幾乎所有同學喺初中時已經熟絡、有自己嘅圈子時，就開始減少對我嘅興趣。 我唔係無試過融入佢哋嘅圈子，只不過喺大城市出世嘅佢哋，鍾意喺商店街吃喝玩樂，而喺舊城市長大嘅我，對做工藝品比較有興趣，結果我只能安靜跟住佢哋，間中陪佢哋笑笑。 過咗一排，佢哋無再約我，而我亦唔係一個喺某方面特別突出嘅學生，所以除咗禮拜上嘅對話，就再無更多嘅交流。 除咗結城老師。 入學後第一個禮拜，學校為咗協助轉校生融入校園，將我分派到佢嘅輔導班下。每逢星期二同星期五放學後非值日嘅日子，都要到輔導室同佢講下學校及生活等呢啲話題。每次結城老師聽完只會點頭，或者喺我話語中深入問一啲問題，作為佢下次輔導嘅方向。 校內嘅霸凌問題因為各人都以升學為目標，所以並唔嚴重；另外從小戶外活動較多嘅我，長得算高大同強壯，再加上輔導老師無形嘅保護，第一學期嘅校園生活平平無奇但亦無任何壞事發生。 ※ 「暑假有咩計劃？」七月下旬，假期前最後一個星期五，結城老師問我。 「我……我未有計劃。」 「我知你對傳統手工藝有興趣，雖然學校未有呢啲社團，但類似嘅都唔少，點解唔參加？」 「我對社團活動無興趣。」 「有無特別鍾意邊門手工藝？」 腦內立刻湧起中三時觀賞過嘅展品，但我無回答佢。 「未有頭緒？」結城老師托起頭講，「雖然盛屋市係一個現代化嘅大都會，但都有一啲舊街老店。我呢度有啲資料，暑假得閒不如去逛逛？」佢將一啲小冊子同打咗圓圈嘅市內地圖放喺書檯上，推到我面前。 我拎起睇睇，的確係我會有興趣去嘅地方，有幾個更加已經吸引咗我眼球，盤算緊幾時同點樣去。 「見到你好似有興趣，作為輔導老師嘅我能夠幫到你，真係鬆一口氣。」喺我集中精神...
「阿姐，你呢條魚死咗喎，賣新鮮價錢俾我？」一把粗糙嘅男人聲音打斷咗我嘅回憶。
「麻甩佬，條魚唔郁唔代表死咗。全街市都知我均真，唔好壓我價。」
「反哂肚仲唔係死咗？你咪呃我！」
「我叻姐年中見唔少你呢啲搏油水嘅人，唔買就過主，唔好阻我做生意。」
我望望條魚，的確無乜精神，又反哂肚，但係仲有呼吸。
「唔識就唔識喇，𡃁妹！」
「唔好見我後生就以為我唔識，麻甩佬，」自稱叻姐嘅賣魚女人道，「再講一次，唔賣走人，唔好浪費大家時間！」
男人攞唔到甜頭，轉身走咗。
我䁽一䁽個價錢牌，差唔多兩百蚊，足夠我食幾餐好嘅。雖然好想食，但都係放棄咗。
「靚仔，望咗咁耐，買唔買嫁？」
我抬頭望住叫叻姐嘅女人，睇落好年青，甚至覺得如果佢唔係著住黑膠圍裙、手套同水鞋，比我仲後生。當我好奇點解一個咁後生嘅女仔會喺街市賣魚時，佢又開始催我：
「你買唔買嘢？定係你同頭先個麻甩佬一樣想攞著數？」
「唔……唔係。」
「咁你要啲乜？」
我望咗咁耐，覺得唔好意思唔買，於是摸摸口袋想攞兩舊水出來買咗嗰條魚，但係得張五十蚊。
「對唔住……我得五十蚊……買唔到啲乜……我都係唔阻你做生意。」
正當我要走嗰時，佢嗌住我。
「見你手拎嘅全部都係即食麵，食壞身體呀；」叻姐用一把同佢樣子唔相稱嘅老成語氣說，「食下啲新鮮嘢喇。」
「咁……你話，五十蚊喺你檔口買到啲乜？」我無奈又帶點挑釁地說。
「就呢條魚喇。」
見到叻姐一手攞起剛才反肚嗰條魚。一落砧板，條魚立刻生龍活虎，搖頭擺尾，「噗通」一聲跳番入水缸內。
佢無講錯，條魚真係好生猛。只不過，終歸係條魚檔中嘅魚。叻姐左手一擒，右手木棍一落，準確無誤地砸喺魚頭上。
見到條魚由搏命咁搖，到慢慢軟倒，然後郁都唔郁，令我諗起之前見到有次防暴用警棍將一個示威者打到頭破血流，漸漸暈低嘅情景。
噁心嘅感覺一湧而上，我不禁掩住口鼻。
「無事嘛？第一次見人劏魚呀？」
「無……無事……」我為咗分神將視線移開，作嘔嘅感覺慢慢靜落嚟，「但……我唔舒服唔係因為劏魚。」
「咁係咩？」叻姐一邊講，一邊手起刀落，魚腮同內臟已經切咗出來。
「呃……」我支吾以對，因為我無可能同佢講我出去示威抗爭。
「靚仔，做任何嘢都要有健康嘅身體；」見叻姐已經將兩邊嘅魚肉起咗出嚟，換咗把細刀片緊腩骨，「睇你奀挑鬼命咁，發夢都無力。」
佢講「發夢」兩個字時，語氣好似特別重。
「有氣有力都無用，睇下呢條魚，生龍活虎咁咪又係被你劏。」
「唔會話你錯，但你諗下條魚如果唔掙扎，第一次就唔會從我手上逃出來。」
「咁又點？結果咪又一樣。」
「靚仔，子非魚，焉能比？」叻姐忽然拋句文言文出來，一時間唔識應機，「但係你唔掙扎，連魚都不如。」
「驚死唔係等死，」佢無等我回應繼續講，「驚只係正常反應，人人都會；但等死唔係解決辦法。」
「既然都要死，點解仲要做徒勞無功嘅嘢？」我反問。
「徒勞無功？你睇嘢太窄喇；」黑手套往魚肉來回掃咗幾回，檢查仲有無未挑嘅魚骨，「生存唔係講緊一隻動物嘅生死，而係整個物種嘅生死。掙扎先會有希望，先會俾其他人見到希望，先會進化，繼而生存；相反等死就會令整個物種加速死亡、消失。」
「我無乜點讀書，呢啲可能只係賣魚女人嘅齋噏，但我殺過咁多嘅魚，算係見得多生死，先有呢種睇法。」叻姐用牛皮紙包好魚骨，又將兩邊魚柳分成四份，放入膠袋內。
「靚仔，魚骨用來煲湯，魚肉幫你分咗四份，蒸又得煎又得；」佢將個裝咗魚嘅膠袋丟過來我面前，「五十蚊。」
「真係五十蚊？」
「當我俾錢要你聽我廢噏。」
我唔好意思咁遞出張五十蚊紙，叻姐一手擸走咗就拋入身後個裝滿錢嘅紅膠桶內。
「食好啲，先可以發個好夢。」
「多……多謝……」
就咁，我拎咗條魚番屋企。
入到屋，我見廚房空住，就拿拿淋換番屋企衫去煮飯。我用咗公用嘅飯煲同剩低嘅白米煮咗些少白飯，蒸咗一塊魚肉。魚蒸好後就用剩低嘅水淥菜。魚同菜整好後，飯剛剛煮熟。我喺魚上淋些少豉油，將飯同餸拎上飯枱。
本來諗住又食杯麵嘅一晚，因為叻姐嘅慷慨，變咗一餐簡單嘅住家飯。
攞起筷子夾起魚肉放入口。久違嘅魚肉嫩滑。豉油嘅鹹味吊起魚嘅鮮味，亦遮蓋咗唔少因為無落薑而遺留嘅腥味。每食一啖，勾起當年喺屋企同爸媽食飯嘅時光。只可惜現實已經返唔到轉頭，就讓它美好地留喺回憶中。
魚太好食，好食到唔記得食菜同飯。我用少少魚汁豉油撈飯，清咗飯同菜，剩低嘅就收好放入雪櫃，下次用來撈麵都唔錯。
食飽後，做埋大學份功課，睇埋晚間新聞，就上床瞓覺。
一合埋眼，我又見到腥紅色嘅雙眼。
今次唔止淨係見到對眼，我仲見到整個身形同輪廓。
係一隻右手揸住木棍，墨綠色嘅猩猩。
棍頭有節奏地一下一下拍著厚厚嘅左手手掌，嘴角陰森咁挑起，自信地蔑視著我，一步一步行過來。
我不自主地驚，佢一步行前，我就一步後退，直到佢開始加速，我轉身開始跑。向面前一片黑暗跑呀跑，無終點、無出路、後有追兵。
終於眼尾見到一間色彩繽紛嘅屋，我諗都無諗衝咗入屋，閂埋門縮喺角度。
之但係，一間喺黑暗中七彩嘅屋，隻猩猩又點會見唔到？佢來到屋前，用力咁拍咗幾下門，然後大吼一聲，「拍勒」一聲，半支木棍破門而入。
我已經無地方走，心急咁喺四周搵可以防身嘅嘢，但眼見除咗四幅牆一個天花，屋內空無一物。
紅眼已經從門嘅缺口射入嚟，我更加焦急。雙手無目標喺地上亂摸亂找，但身邊除咗軟軟嘅白色地氈外乜都無。
外面嘅猩猩已經將門打開咗一個窿，大到夠我見到佢獰猙嘅臉孔。我只能擴大範圍，加快速度咁去搵。忽然，有啲嘢拮到隻手，我反射地縮開。
手指滲出血珠，我想知係乜嘢刺穿我皮膚。眼下加倍留意模糊嘅血跡，結果搵到嗰樣尖銳嘅嘢。
唔係刀，唔係針……
係一條一隻手指粗長嘅魚骨……
此時猩猩已經扳開大半道門，佢見到夠位，就側身躐過剩返唔夠一米高嘅門入屋。我已經無得揀，只可以用我擁有嘅嘢去對抗。
猩猩不徐不急，因為我根本無地方可逃。佢故意用木棍砸喺牆上，「嘭」一聲嚇到我蜷埋一角。佢滿足咁見到我嘅驚樣，繼續喺完好嘅牆上打出一個個洞。
原本完好無缺嘅屋，依家千瘡百孔；屋內嘅色彩亦從洞溜出屋外，令屋變得暗淡無光。猩猩無理會繼續打，當佢打斷咗其中一條支撐天花嘅木柱時，成個屋頂登時歪埋一邊。
終於佢打到夠皮，就走過來我面前。我依然嚇到抱住膝頭坐咗喺地。佢陰森笑咗一下，往我頭上嘅牆揮出一條裂縫。
忽然，間屋震咗一下。被敲出嘅裂縫開始有水流出來，本來只有一條絲咁幼嘅水柱，好快變成瀑布咁湧出水來。
奇怪嘅係，每一處被猩猩打穿嘅牆身，同時有水湧入屋。四方八面嘅水令猩猩不知所措，但冰冷嘅水令我頭腦從驚慌清醒過來。呢個係我唯一嘅機會，而我必須進化先可以把握到。
手裡嘅魚骨話我知，呢一刻我要變成魚。我開始喺水裡游，兩腿來回交替踢著水。猩猩見我想逃，立刻追住我來打，但水嘅阻力除咗令佢動作得慢咗，揮棍時亦被卸去不少力度。好幾次木棍擦過我身體，卻只傷不到我多少。
我漸漸模仿魚，兩腿配合腰力並齊波浪式打水；我甚至將雙腳進化成尾鰭，就係為咗游得更快，推進時更前！
此刻猩猩已經跟唔上我嘅速度，木棍嘅拍打只係濺起一朵朵水花。我不斷圍著猩猩轉圈，終於搵到機會繞到佢背後。尾鰭用力一躍，半人魚嘅我離開水面，撲向猩猩背部。左手緊箍牠頸，右手用力將唯一嘅武器 — — 魚骨插入猩猩最令我害怕卻又最脆弱嘅紅眼內。
猩猩吃痛而不斷狂嘶同強裂擺動身體，但我死命不放，右手手指往佢另一隻眼睛挖去。食中兩指盡根而入，指尖甚至刺入牠腦袋嘅底部。原本放出暗紅視線嘅雙眼，如今只有射出鏽紅嘅血液及黃白嘅腦液。
沒有了猩猩嘅暗紅視線，周圍再次變得黑暗。它把猩猩嘅氣力吞沒，把血液和腦液吞沒，也把我的意識吞沒。
再張開眼時，日光已從廉價嘅窗簾透入房。我望望右手，諗起剛才戳入猩猩眼睛嘅食指同中指，就送往鼻前嗅嗅。
果然是一股腥味；但似係昨晚蒸魚時嘅魚腥味，多過血腥味。
我將被鋪打開。雙腿依然係人應有嘅雙腿，唔係一條尾鰭。我為無變成半人半魚嘅生物而鬆一口氣，但又為無咗呢種能力而失落。夢境嘅嘢我帶唔走，但佢話我聽係時候要鍛練下自己身體。
無錯……強大嘅意志，需要強壯嘅身體去支撐。
「麻甩佬，條魚唔郁唔代表死咗。全街市都知我均真，唔好壓我價。」
「反哂肚仲唔係死咗？你咪呃我！」
「我叻姐年中見唔少你呢啲搏油水嘅人，唔買就過主，唔好阻我做生意。」
我望望條魚，的確無乜精神，又反哂肚，但係仲有呼吸。
「唔識就唔識喇，𡃁妹！」
「唔好見我後生就以為我唔識，麻甩佬，」自稱叻姐嘅賣魚女人道，「再講一次，唔賣走人，唔好浪費大家時間！」
男人攞唔到甜頭，轉身走咗。
我䁽一䁽個價錢牌，差唔多兩百蚊，足夠我食幾餐好嘅。雖然好想食，但都係放棄咗。
「靚仔，望咗咁耐，買唔買嫁？」
我抬頭望住叫叻姐嘅女人，睇落好年青，甚至覺得如果佢唔係著住黑膠圍裙、手套同水鞋，比我仲後生。當我好奇點解一個咁後生嘅女仔會喺街市賣魚時，佢又開始催我：
「你買唔買嘢？定係你同頭先個麻甩佬一樣想攞著數？」
「唔……唔係。」
「咁你要啲乜？」
我望咗咁耐，覺得唔好意思唔買，於是摸摸口袋想攞兩舊水出來買咗嗰條魚，但係得張五十蚊。
「對唔住……我得五十蚊……買唔到啲乜……我都係唔阻你做生意。」
正當我要走嗰時，佢嗌住我。
「見你手拎嘅全部都係即食麵，食壞身體呀；」叻姐用一把同佢樣子唔相稱嘅老成語氣說，「食下啲新鮮嘢喇。」
「咁……你話，五十蚊喺你檔口買到啲乜？」我無奈又帶點挑釁地說。
「就呢條魚喇。」
見到叻姐一手攞起剛才反肚嗰條魚。一落砧板，條魚立刻生龍活虎，搖頭擺尾，「噗通」一聲跳番入水缸內。
佢無講錯，條魚真係好生猛。只不過，終歸係條魚檔中嘅魚。叻姐左手一擒，右手木棍一落，準確無誤地砸喺魚頭上。
見到條魚由搏命咁搖，到慢慢軟倒，然後郁都唔郁，令我諗起之前見到有次防暴用警棍將一個示威者打到頭破血流，漸漸暈低嘅情景。
噁心嘅感覺一湧而上，我不禁掩住口鼻。
「無事嘛？第一次見人劏魚呀？」
「無……無事……」我為咗分神將視線移開，作嘔嘅感覺慢慢靜落嚟，「但……我唔舒服唔係因為劏魚。」
「咁係咩？」叻姐一邊講，一邊手起刀落，魚腮同內臟已經切咗出來。
「呃……」我支吾以對，因為我無可能同佢講我出去示威抗爭。
「靚仔，做任何嘢都要有健康嘅身體；」見叻姐已經將兩邊嘅魚肉起咗出嚟，換咗把細刀片緊腩骨，「睇你奀挑鬼命咁，發夢都無力。」
佢講「發夢」兩個字時，語氣好似特別重。
「有氣有力都無用，睇下呢條魚，生龍活虎咁咪又係被你劏。」
「唔會話你錯，但你諗下條魚如果唔掙扎，第一次就唔會從我手上逃出來。」
「咁又點？結果咪又一樣。」
「靚仔，子非魚，焉能比？」叻姐忽然拋句文言文出來，一時間唔識應機，「但係你唔掙扎，連魚都不如。」
「驚死唔係等死，」佢無等我回應繼續講，「驚只係正常反應，人人都會；但等死唔係解決辦法。」
「既然都要死，點解仲要做徒勞無功嘅嘢？」我反問。
「徒勞無功？你睇嘢太窄喇；」黑手套往魚肉來回掃咗幾回，檢查仲有無未挑嘅魚骨，「生存唔係講緊一隻動物嘅生死，而係整個物種嘅生死。掙扎先會有希望，先會俾其他人見到希望，先會進化，繼而生存；相反等死就會令整個物種加速死亡、消失。」
「我無乜點讀書，呢啲可能只係賣魚女人嘅齋噏，但我殺過咁多嘅魚，算係見得多生死，先有呢種睇法。」叻姐用牛皮紙包好魚骨，又將兩邊魚柳分成四份，放入膠袋內。
「靚仔，魚骨用來煲湯，魚肉幫你分咗四份，蒸又得煎又得；」佢將個裝咗魚嘅膠袋丟過來我面前，「五十蚊。」
「真係五十蚊？」
「當我俾錢要你聽我廢噏。」
我唔好意思咁遞出張五十蚊紙，叻姐一手擸走咗就拋入身後個裝滿錢嘅紅膠桶內。
「食好啲，先可以發個好夢。」
「多……多謝……」
就咁，我拎咗條魚番屋企。
入到屋，我見廚房空住，就拿拿淋換番屋企衫去煮飯。我用咗公用嘅飯煲同剩低嘅白米煮咗些少白飯，蒸咗一塊魚肉。魚蒸好後就用剩低嘅水淥菜。魚同菜整好後，飯剛剛煮熟。我喺魚上淋些少豉油，將飯同餸拎上飯枱。
本來諗住又食杯麵嘅一晚，因為叻姐嘅慷慨，變咗一餐簡單嘅住家飯。
攞起筷子夾起魚肉放入口。久違嘅魚肉嫩滑。豉油嘅鹹味吊起魚嘅鮮味，亦遮蓋咗唔少因為無落薑而遺留嘅腥味。每食一啖，勾起當年喺屋企同爸媽食飯嘅時光。只可惜現實已經返唔到轉頭，就讓它美好地留喺回憶中。
魚太好食，好食到唔記得食菜同飯。我用少少魚汁豉油撈飯，清咗飯同菜，剩低嘅就收好放入雪櫃，下次用來撈麵都唔錯。
食飽後，做埋大學份功課，睇埋晚間新聞，就上床瞓覺。
一合埋眼，我又見到腥紅色嘅雙眼。
今次唔止淨係見到對眼，我仲見到整個身形同輪廓。
係一隻右手揸住木棍，墨綠色嘅猩猩。
棍頭有節奏地一下一下拍著厚厚嘅左手手掌，嘴角陰森咁挑起，自信地蔑視著我，一步一步行過來。
我不自主地驚，佢一步行前，我就一步後退，直到佢開始加速，我轉身開始跑。向面前一片黑暗跑呀跑，無終點、無出路、後有追兵。
終於眼尾見到一間色彩繽紛嘅屋，我諗都無諗衝咗入屋，閂埋門縮喺角度。
之但係，一間喺黑暗中七彩嘅屋，隻猩猩又點會見唔到？佢來到屋前，用力咁拍咗幾下門，然後大吼一聲，「拍勒」一聲，半支木棍破門而入。
我已經無地方走，心急咁喺四周搵可以防身嘅嘢，但眼見除咗四幅牆一個天花，屋內空無一物。
紅眼已經從門嘅缺口射入嚟，我更加焦急。雙手無目標喺地上亂摸亂找，但身邊除咗軟軟嘅白色地氈外乜都無。
外面嘅猩猩已經將門打開咗一個窿，大到夠我見到佢獰猙嘅臉孔。我只能擴大範圍，加快速度咁去搵。忽然，有啲嘢拮到隻手，我反射地縮開。
手指滲出血珠，我想知係乜嘢刺穿我皮膚。眼下加倍留意模糊嘅血跡，結果搵到嗰樣尖銳嘅嘢。
唔係刀，唔係針……
係一條一隻手指粗長嘅魚骨……
此時猩猩已經扳開大半道門，佢見到夠位，就側身躐過剩返唔夠一米高嘅門入屋。我已經無得揀，只可以用我擁有嘅嘢去對抗。
猩猩不徐不急，因為我根本無地方可逃。佢故意用木棍砸喺牆上，「嘭」一聲嚇到我蜷埋一角。佢滿足咁見到我嘅驚樣，繼續喺完好嘅牆上打出一個個洞。
原本完好無缺嘅屋，依家千瘡百孔；屋內嘅色彩亦從洞溜出屋外，令屋變得暗淡無光。猩猩無理會繼續打，當佢打斷咗其中一條支撐天花嘅木柱時，成個屋頂登時歪埋一邊。
終於佢打到夠皮，就走過來我面前。我依然嚇到抱住膝頭坐咗喺地。佢陰森笑咗一下，往我頭上嘅牆揮出一條裂縫。
忽然，間屋震咗一下。被敲出嘅裂縫開始有水流出來，本來只有一條絲咁幼嘅水柱，好快變成瀑布咁湧出水來。
奇怪嘅係，每一處被猩猩打穿嘅牆身，同時有水湧入屋。四方八面嘅水令猩猩不知所措，但冰冷嘅水令我頭腦從驚慌清醒過來。呢個係我唯一嘅機會，而我必須進化先可以把握到。
手裡嘅魚骨話我知，呢一刻我要變成魚。我開始喺水裡游，兩腿來回交替踢著水。猩猩見我想逃，立刻追住我來打，但水嘅阻力除咗令佢動作得慢咗，揮棍時亦被卸去不少力度。好幾次木棍擦過我身體，卻只傷不到我多少。
我漸漸模仿魚，兩腿配合腰力並齊波浪式打水；我甚至將雙腳進化成尾鰭，就係為咗游得更快，推進時更前！
此刻猩猩已經跟唔上我嘅速度，木棍嘅拍打只係濺起一朵朵水花。我不斷圍著猩猩轉圈，終於搵到機會繞到佢背後。尾鰭用力一躍，半人魚嘅我離開水面，撲向猩猩背部。左手緊箍牠頸，右手用力將唯一嘅武器 — — 魚骨插入猩猩最令我害怕卻又最脆弱嘅紅眼內。
猩猩吃痛而不斷狂嘶同強裂擺動身體，但我死命不放，右手手指往佢另一隻眼睛挖去。食中兩指盡根而入，指尖甚至刺入牠腦袋嘅底部。原本放出暗紅視線嘅雙眼，如今只有射出鏽紅嘅血液及黃白嘅腦液。
沒有了猩猩嘅暗紅視線，周圍再次變得黑暗。它把猩猩嘅氣力吞沒，把血液和腦液吞沒，也把我的意識吞沒。
再張開眼時，日光已從廉價嘅窗簾透入房。我望望右手，諗起剛才戳入猩猩眼睛嘅食指同中指，就送往鼻前嗅嗅。
果然是一股腥味；但似係昨晚蒸魚時嘅魚腥味，多過血腥味。
我將被鋪打開。雙腿依然係人應有嘅雙腿，唔係一條尾鰭。我為無變成半人半魚嘅生物而鬆一口氣，但又為無咗呢種能力而失落。夢境嘅嘢我帶唔走，但佢話我聽係時候要鍛練下自己身體。
無錯……強大嘅意志，需要強壯嘅身體去支撐。
留言
發佈留言