三月下旬，爸爸得到公事上得到提攜，被指派到大城市返工，於是我哋一家離開海邊古老嘅佐津市，搬到鄰縣首府嘅盛屋市。 喺駛往新地方嘅火車窗外，望見盛開而落、只剩低無數椏枝嘅櫻花樹，感覺就好似我一樣，所有嘢都要重新開始。 「佢係今年由佐津市內中學轉嚟嘅新同學，請各位同佢好好相處。」早會時班主任喺講台上將我介紹俾班上嘅同學，「你就坐嗰邊嘅空位。」 「請各位多多指教。」我向面前嘅所有人稍稍鞠躬後，行到自己座位坐低，準備上堂。 上完第一節課，一部分好奇心重嘅同學開始過嚟問我初中嘅事、點解會轉校、有咩喜好等；當刻，我感到人生新嘅一章應該唔會太差。 可惜，當所有同學都知道我呢個轉校生嘅一切背景，加上呢間學校係大學附屬中學嘅高校，即係幾乎所有同學喺初中時已經熟絡、有自己嘅圈子時，就開始減少對我嘅興趣。 我唔係無試過融入佢哋嘅圈子，只不過喺大城市出世嘅佢哋，鍾意喺商店街吃喝玩樂，而喺舊城市長大嘅我，對做工藝品比較有興趣，結果我只能安靜跟住佢哋，間中陪佢哋笑笑。 過咗一排，佢哋無再約我，而我亦唔係一個喺某方面特別突出嘅學生，所以除咗禮拜上嘅對話，就再無更多嘅交流。 除咗結城老師。 入學後第一個禮拜，學校為咗協助轉校生融入校園，將我分派到佢嘅輔導班下。每逢星期二同星期五放學後非值日嘅日子，都要到輔導室同佢講下學校及生活等呢啲話題。每次結城老師聽完只會點頭，或者喺我話語中深入問一啲問題，作為佢下次輔導嘅方向。 校內嘅霸凌問題因為各人都以升學為目標，所以並唔嚴重；另外從小戶外活動較多嘅我，長得算高大同強壯，再加上輔導老師無形嘅保護，第一學期嘅校園生活平平無奇但亦無任何壞事發生。 ※ 「暑假有咩計劃？」七月下旬，假期前最後一個星期五，結城老師問我。 「我……我未有計劃。」 「我知你對傳統手工藝有興趣，雖然學校未有呢啲社團，但類似嘅都唔少，點解唔參加？」 「我對社團活動無興趣。」 「有無特別鍾意邊門手工藝？」 腦內立刻湧起中三時觀賞過嘅展品，但我無回答佢。 「未有頭緒？」結城老師托起頭講，「雖然盛屋市係一個現代化嘅大都會，但都有一啲舊街老店。我呢度有啲資料，暑假得閒不如去逛逛？」佢將一啲小冊子同打咗圓圈嘅市內地圖放喺書檯上，推到我面前。 我拎起睇睇，的確係我會有興趣去嘅地方，有幾個更加已經吸引咗我眼球，盤算緊幾時同點樣去。 「見到你好似有興趣，作為輔導老師嘅我能夠幫到你，真係鬆一口氣。」喺我集中精神...
夜晚十點，我啱啱去完個舊同學聚會，逆著乾燥嘅冷風，順著繁喧嘅人潮，嚟到呢四個大字之前。
呢四個喺夜晚被街燈同廣告射燈反照嘅紅色大字，雖然唔係咩嘢有氣勢嘅四字詞語，但當佢於七層高嘅樓層俯視行人路嘅我，足夠以令我望而生畏。
之但係，男人可以乜嘢都無，面子唔可以無，尤其喺其他男人面前。
我唔行出呢一步，只會喺班舊同學面前抬唔起頭做人，被佢哋笑足一世。
諗到呢度，我又記起頭先聚會發生嘅事……
※※※※※
我本來就唔鍾意呢啲舊同學飯聚，唔係我最好朋友嘅老死咁啱喺日本返嚟，叫我俾下面一齊去，我寧願留喺屋企睇新鮮出爐嘅 SSIS-046 好過。
食飯時大家寒暄幾句，問下近況，悶但係無乜特別嘢發生；好衰唔衰食完飯後，讀書時成日口不擇言嘅肥仔飲醉咗，走過嚟身邊拍我膊頭，大聲咁同所有在場舊同學，兼外面唔識嘅人講：
「青頭仔，做咗愛未呀？」
全場人靜晒望住我。
「唔出聲？仲係處呀？」
個個人等睇好戲。
「喂，你飲醉喇！」老死過嚟拉開肥仔，「收下口啦。」
「佢嗰時被我撞到佢買鹹碟，叫佢去聯校活動又怕怕醜醜咁縮埋一角，問下關心下啫！」
死肥仔梗係唔知道，當年我入去好景買模型，咁啱被佢撞見，被佢喺學校唱我買四仔。自此之後，個個見到我唔係問「睇咗鹹片未？」，就係「破咗處未？」
嗰時讀嘅男校同女校聯誼，啲女仔一見到我就退避三舍，我就知道係個肥仔亂講嘢。
如果唔係佢，我唔會開始喺愛情動作片上尋求慰藉。我知有啲嘢無得賴，但唔好本末倒置。
我忍住道唔應該忍嘅氣，走咗出酒樓；老死追咗出嚟，拉住我右膊話：「不如同你去飲杯嘢？」
「多謝先，不過唔駛喇……一直以來你都無嫌棄過我，有時仲幫我買嘢，有你呢個朋友我好心足，今晚就俾我一個人冷靜下。」
於是我帶住從讀書時積落嚟嘅失落、自卑同不甘嚟到呢四個大字之下。
「香檳大廈」。
※※※※※
我以為我會不顧一切咁衝入去，但來到門口竟然猶豫不決，呆呆咁企咗喺人來人往嘅金巴利道。喺我面前、身後、旁邊走過嘅陌生人，無一個唔望住我呢個好似石像嘅傻仔。
究竟點解到咗呢一刻我會停步不前？我諗咗好耐都諗唔到。直到有個阿伯撞到我後，粗魯咁我講：「青頭仔，入去就入去，唔好企喺度阻住人！」
佢嗰句「青頭仔」一下子焫㷫咗我，然後我就踏出咗一步，行咗入香檳裡面。
一入去，點睇都唔似色情場所，比較似一般商場咁，有冰室、相機舖、雜貨舖。我搵咗一陣，先搵到嗰啲架步嘅牌，就照指示入𨋢撳咗四字。
一出四樓，粉紫燈光立刻射入眼內，適應之後就見到唔少螢光黃底紅字嘅招紙，寫住各式各樣嘅介紹、價格同玩法。
「陀地妹，三百蚊半個鐘三味」
「大波賓妹，兩百蚊一炮」
「白淨俄妹，一千蚊一個鐘任玩」
簡直係花多眼亂，琳琅滿目……
可惜我無膽去撳門口個鐘仔，只係喺條走廊來來回回。
行咗幾轉後，我發覺有一個門口同其他嘅唔同。佢好樸素，無嗰啲閃紫粉紅嘅裝飾，又無價目表或自我介紹，不禁令我好奇。
正喺我奇怪緊個門口點解會咁時，閘門後嘅木門打開，嚇咗我一跳。
「你喺度做咩？」一個女仔喺閘門後說。
「我……我……」
「叫雞呀？」
「係……唔係……」
「係定唔係呀？」個女仔開始勞氣，「係就隔離，唔係就嗰邊𨋢口；唔好阻住我倒垃圾。」
「哦……」我讓開一邊俾佢出嚟。佢拎住袋垃圾行出門口，順手閂咗門。
唔知係咪少同女仔講嘢，加上無俾女仔咁兇過，我竟然驚到腳軟到唔識行。
「你仲喺我門口做咩？」個女仔返嚟仲見到我。
「唔……唔好意思，我有啲唔舒服……」
個女仔行近我，望咗我兩眼話：「睇你真係有啲面青口唇白，入嚟坐休息下。」
「多……多謝……」
「唔好諗住做啲咩衰嘢，有閉路電視影住。」佢警告我。
「唔……唔會……見好啲就走……」
佢將閘門打開，叫我入去。就好似門口咁，房間內唔似係一樓一嘅房，無嗰啲粉紅粉紫嘅燈泡串，但隱約地聞到一陣庸俗嘅香水味。
「你坐嗰度，」個女仔指向角落一張凳仔，「我攞杯水俾你。」
我再望望間房，櫃裡面無避孕套或性玩具，但竟然係一疊報紙同幾本書。
「嗱！暖水。」
我飲晒成杯水，成個人舒服不少。
「好返啲未？」
我點點頭。
「好返就返歸，今晚唔好再嫖喇。」
「我… …我今晚點都想嫖！」
「發神經，咁鍾意你就出去嫖，反正關我撚事。」
「你可唔可以幫我？」
「你痴咩線呀？幫你啲乜？要我裝條假鳩幫你插呀？」
「唔… …唔係咁嘅意思… …」我又被佢兇到，「我想你幫我揀，又或者提點下等我唔使被呃。」
「你又知我識呢啲嘢？求其撳個鐘仔，啱心水咪俾錢囉！」
「咁… …你住呢度，應該會識多啲；加上我… …我係… …」
「吞吞吐吐咁？處男？」
我點點頭。
「咁點解你要叫雞？」佢忽然語氣溫和，好似同一個家姐傾計咁。
「頭先同班舊同學聚會，有個乞人憎嘅肥仔大大聲問我『做咗愛未』，搞到我好無面。」
「你幾多歲呀？仲死要呢啲面子？」
「廿八… …」
「哥仔，你年紀大過我，諗嘢仲成個細路仔咁嘅？點解要在意一個乞你憎嘅人點諗呢？」
我被個女仔教訓到低下頭來。
「你就當我老套，不論男女，第一次唔好求求其其就送出去。朋友圈內無心儀嘅女仔咩？」
「無乜朋友，得一個死黨，不過係男仔。」
「你做咩工呀？啲情侶好多時都係喺返工識。」
「我喺善終醫院做登記護士。」
「咁應該好多女識喇！」
「唔多後生女，有嘅都去晒識醫生喇，淨低嘅都係阿媽阿姨，甚至阿婆級數… …」
「唔鍾意唔駛努力呀？無其他喇？」
我諗起三一六號病房嗰位女病人嘅外甥女……
不過我同佢大纜都扯唔埋……
「無喇……」
「好多嘢係可以變嘅……」佢行去書架度攞咗本書，「只要你心念夠強。」
我見到本書叫《牧羊少年奇幻之旅》。
「就好似我，本來我係妓女。」
佢講完後，我有啲驚訝。唔怪得間房有陣香水味。
「但係有個男仔俾我睇到，只要好想做一件事，就算嗰件事係改變世界，自己都係會去做。相比之下，我唔做妓女，其實只係一件好細嘅事；之後我諗，唔做咪唔做囉，總有出路嘅。」
「咁依家個男仔？」
「我等緊佢搵我……咪住，講緊你呀，唔好劖亂歌柄！」
「計我話放低呢啲無謂嘅面子，認真諗下自己想要啲乜喇。」個女仔坐喺床上放低本書繼續講，「德國哲學家尼采講過要放低身上被諸加嘅限制，先可以成為自己嘅主人，得到自己想要嘅嘢，最後就可以創造新嘅自身價值。」
「你依家無目標嘛？不如我幫你諗一個喇。」
「吓？」
「咩嘢好呢……？」個女仔無理到我，自顧自咁講，「有喇，你以後嘅目標就係『采妮』喇！」
「采妮？」
「尼采調轉咪釆妮囉！呢個就係你心目中最想要嘅女仔！」
咁都得？不過總算有好過無。
「呼……同你傾完後，心情真係舒服好多；」我呼口氣後笑笑說，「如果你未從良，一定係個一百分嘅妓女。」
「哼！駛你講？嗰時好多客幫襯過都返轉頭，」個女仔然後帶點溫柔咁講，「但依家我只想將來專心服侍我嗰個一百分嘅嫖客。」
無論佢係咩人都好，戀愛中嘅女仔都一樣咁靚。
「嗱！出咗呢個門口，返到屋企就諗下點走出舒適圈，點樣去擴闊自己喇！」佢起身行去書櫃攞多咗幾本書。
我覺得都係時候離開，開始行出門口。
「反正我已經睇完，呢兩本書送俾你喇。」
係《牧羊少年奇幻之旅》同《尼采》。
「多謝晒。」
「仲有上網睇《遇見100分的嫖客》。」
「吓？」
「叫你睇就睇喇，好精采，唔呃你，反正免費。」
呢個女仔惡得來，但又意想不到幾得意；佢等緊嘅男仔一定好鍾意佢呢點。
「咁……咁好啦，我走喇，希望你等嘅人盡快搵你。」
「你都係，希望你盡快搵到你嘅『采妮』。」
呢四個喺夜晚被街燈同廣告射燈反照嘅紅色大字，雖然唔係咩嘢有氣勢嘅四字詞語，但當佢於七層高嘅樓層俯視行人路嘅我，足夠以令我望而生畏。
之但係，男人可以乜嘢都無，面子唔可以無，尤其喺其他男人面前。
我唔行出呢一步，只會喺班舊同學面前抬唔起頭做人，被佢哋笑足一世。
諗到呢度，我又記起頭先聚會發生嘅事……
※※※※※
我本來就唔鍾意呢啲舊同學飯聚，唔係我最好朋友嘅老死咁啱喺日本返嚟，叫我俾下面一齊去，我寧願留喺屋企睇新鮮出爐嘅 SSIS-046 好過。
食飯時大家寒暄幾句，問下近況，悶但係無乜特別嘢發生；好衰唔衰食完飯後，讀書時成日口不擇言嘅肥仔飲醉咗，走過嚟身邊拍我膊頭，大聲咁同所有在場舊同學，兼外面唔識嘅人講：
「青頭仔，做咗愛未呀？」
全場人靜晒望住我。
「唔出聲？仲係處呀？」
個個人等睇好戲。
「喂，你飲醉喇！」老死過嚟拉開肥仔，「收下口啦。」
「佢嗰時被我撞到佢買鹹碟，叫佢去聯校活動又怕怕醜醜咁縮埋一角，問下關心下啫！」
死肥仔梗係唔知道，當年我入去好景買模型，咁啱被佢撞見，被佢喺學校唱我買四仔。自此之後，個個見到我唔係問「睇咗鹹片未？」，就係「破咗處未？」
嗰時讀嘅男校同女校聯誼，啲女仔一見到我就退避三舍，我就知道係個肥仔亂講嘢。
如果唔係佢，我唔會開始喺愛情動作片上尋求慰藉。我知有啲嘢無得賴，但唔好本末倒置。
我忍住道唔應該忍嘅氣，走咗出酒樓；老死追咗出嚟，拉住我右膊話：「不如同你去飲杯嘢？」
「多謝先，不過唔駛喇……一直以來你都無嫌棄過我，有時仲幫我買嘢，有你呢個朋友我好心足，今晚就俾我一個人冷靜下。」
於是我帶住從讀書時積落嚟嘅失落、自卑同不甘嚟到呢四個大字之下。
「香檳大廈」。
※※※※※
我以為我會不顧一切咁衝入去，但來到門口竟然猶豫不決，呆呆咁企咗喺人來人往嘅金巴利道。喺我面前、身後、旁邊走過嘅陌生人，無一個唔望住我呢個好似石像嘅傻仔。
究竟點解到咗呢一刻我會停步不前？我諗咗好耐都諗唔到。直到有個阿伯撞到我後，粗魯咁我講：「青頭仔，入去就入去，唔好企喺度阻住人！」
佢嗰句「青頭仔」一下子焫㷫咗我，然後我就踏出咗一步，行咗入香檳裡面。
一入去，點睇都唔似色情場所，比較似一般商場咁，有冰室、相機舖、雜貨舖。我搵咗一陣，先搵到嗰啲架步嘅牌，就照指示入𨋢撳咗四字。
一出四樓，粉紫燈光立刻射入眼內，適應之後就見到唔少螢光黃底紅字嘅招紙，寫住各式各樣嘅介紹、價格同玩法。
「陀地妹，三百蚊半個鐘三味」
「大波賓妹，兩百蚊一炮」
「白淨俄妹，一千蚊一個鐘任玩」
簡直係花多眼亂，琳琅滿目……
可惜我無膽去撳門口個鐘仔，只係喺條走廊來來回回。
行咗幾轉後，我發覺有一個門口同其他嘅唔同。佢好樸素，無嗰啲閃紫粉紅嘅裝飾，又無價目表或自我介紹，不禁令我好奇。
正喺我奇怪緊個門口點解會咁時，閘門後嘅木門打開，嚇咗我一跳。
「你喺度做咩？」一個女仔喺閘門後說。
「我……我……」
「叫雞呀？」
「係……唔係……」
「係定唔係呀？」個女仔開始勞氣，「係就隔離，唔係就嗰邊𨋢口；唔好阻住我倒垃圾。」
「哦……」我讓開一邊俾佢出嚟。佢拎住袋垃圾行出門口，順手閂咗門。
唔知係咪少同女仔講嘢，加上無俾女仔咁兇過，我竟然驚到腳軟到唔識行。
「你仲喺我門口做咩？」個女仔返嚟仲見到我。
「唔……唔好意思，我有啲唔舒服……」
個女仔行近我，望咗我兩眼話：「睇你真係有啲面青口唇白，入嚟坐休息下。」
「多……多謝……」
「唔好諗住做啲咩衰嘢，有閉路電視影住。」佢警告我。
「唔……唔會……見好啲就走……」
佢將閘門打開，叫我入去。就好似門口咁，房間內唔似係一樓一嘅房，無嗰啲粉紅粉紫嘅燈泡串，但隱約地聞到一陣庸俗嘅香水味。
「你坐嗰度，」個女仔指向角落一張凳仔，「我攞杯水俾你。」
我再望望間房，櫃裡面無避孕套或性玩具，但竟然係一疊報紙同幾本書。
「嗱！暖水。」
我飲晒成杯水，成個人舒服不少。
「好返啲未？」
我點點頭。
「好返就返歸，今晚唔好再嫖喇。」
「我… …我今晚點都想嫖！」
「發神經，咁鍾意你就出去嫖，反正關我撚事。」
「你可唔可以幫我？」
「你痴咩線呀？幫你啲乜？要我裝條假鳩幫你插呀？」
「唔… …唔係咁嘅意思… …」我又被佢兇到，「我想你幫我揀，又或者提點下等我唔使被呃。」
「你又知我識呢啲嘢？求其撳個鐘仔，啱心水咪俾錢囉！」
「咁… …你住呢度，應該會識多啲；加上我… …我係… …」
「吞吞吐吐咁？處男？」
我點點頭。
「咁點解你要叫雞？」佢忽然語氣溫和，好似同一個家姐傾計咁。
「頭先同班舊同學聚會，有個乞人憎嘅肥仔大大聲問我『做咗愛未』，搞到我好無面。」
「你幾多歲呀？仲死要呢啲面子？」
「廿八… …」
「哥仔，你年紀大過我，諗嘢仲成個細路仔咁嘅？點解要在意一個乞你憎嘅人點諗呢？」
我被個女仔教訓到低下頭來。
「你就當我老套，不論男女，第一次唔好求求其其就送出去。朋友圈內無心儀嘅女仔咩？」
「無乜朋友，得一個死黨，不過係男仔。」
「你做咩工呀？啲情侶好多時都係喺返工識。」
「我喺善終醫院做登記護士。」
「咁應該好多女識喇！」
「唔多後生女，有嘅都去晒識醫生喇，淨低嘅都係阿媽阿姨，甚至阿婆級數… …」
「唔鍾意唔駛努力呀？無其他喇？」
我諗起三一六號病房嗰位女病人嘅外甥女……
不過我同佢大纜都扯唔埋……
「無喇……」
「好多嘢係可以變嘅……」佢行去書架度攞咗本書，「只要你心念夠強。」
我見到本書叫《牧羊少年奇幻之旅》。
「就好似我，本來我係妓女。」
佢講完後，我有啲驚訝。唔怪得間房有陣香水味。
「但係有個男仔俾我睇到，只要好想做一件事，就算嗰件事係改變世界，自己都係會去做。相比之下，我唔做妓女，其實只係一件好細嘅事；之後我諗，唔做咪唔做囉，總有出路嘅。」
「咁依家個男仔？」
「我等緊佢搵我……咪住，講緊你呀，唔好劖亂歌柄！」
「計我話放低呢啲無謂嘅面子，認真諗下自己想要啲乜喇。」個女仔坐喺床上放低本書繼續講，「德國哲學家尼采講過要放低身上被諸加嘅限制，先可以成為自己嘅主人，得到自己想要嘅嘢，最後就可以創造新嘅自身價值。」
「你依家無目標嘛？不如我幫你諗一個喇。」
「吓？」
「咩嘢好呢……？」個女仔無理到我，自顧自咁講，「有喇，你以後嘅目標就係『采妮』喇！」
「采妮？」
「尼采調轉咪釆妮囉！呢個就係你心目中最想要嘅女仔！」
咁都得？不過總算有好過無。
「呼……同你傾完後，心情真係舒服好多；」我呼口氣後笑笑說，「如果你未從良，一定係個一百分嘅妓女。」
「哼！駛你講？嗰時好多客幫襯過都返轉頭，」個女仔然後帶點溫柔咁講，「但依家我只想將來專心服侍我嗰個一百分嘅嫖客。」
無論佢係咩人都好，戀愛中嘅女仔都一樣咁靚。
「嗱！出咗呢個門口，返到屋企就諗下點走出舒適圈，點樣去擴闊自己喇！」佢起身行去書櫃攞多咗幾本書。
我覺得都係時候離開，開始行出門口。
「反正我已經睇完，呢兩本書送俾你喇。」
係《牧羊少年奇幻之旅》同《尼采》。
「多謝晒。」
「仲有上網睇《遇見100分的嫖客》。」
「吓？」
「叫你睇就睇喇，好精采，唔呃你，反正免費。」
呢個女仔惡得來，但又意想不到幾得意；佢等緊嘅男仔一定好鍾意佢呢點。
「咁……咁好啦，我走喇，希望你等嘅人盡快搵你。」
「你都係，希望你盡快搵到你嘅『采妮』。」
留言
發佈留言