或去或留的嫖客．二

 易拎掹出下體內嘅避孕套，打咗個結，將佢揼咗入浴室嘅垃圾筒。

「你仲唔著衫？」佢套返佢件大碼Ｔ恤，見我仲坐咗喺床邊，好奇咁問，「係咪想加鐘？」

「唔……唔係……」我拿拿淋攞起凳上嘅恤衫著返。扣緊鈕時，我諗起頭先嘅錯覺，於是問：「想問你剛才我哋做嘅時候，我有無咩奇怪？」

「奇怪？」佢一邊伸手入衫內清潔大腿內側，一邊答我。

「無？」我尷尬地擰轉臉，「我以為我一邊做一邊叫住一個女仔名……」

「係呀，你有叫呀。」易拎依然無望我，專心保養佢賺錢嘅工具。

「吓？咁樣唔奇怪咩？」

「大把客都係咁喇！」易拎好似有些少恥笑我嘅無知，「嗌前女友名、嗌女明星名、嗌咸片女優名都聽過。」

「原來係咁……」

「不過你有啲唔同。」

「點唔同？」

「好多人嗌名，俾我感覺佢係有意識知道自己叫緊雞；」易拎坐咗喺床頭講，「而你俾我覺得，你真係好似同緊『芯瑩』做緊愛一樣。」

聽到佢講「芯瑩」兩個字，忽然諗起海旁嘅對話，我不自覺低頭。

「多口講句，我好肯定你仲好鍾意個女仔，但既然分咗手就唔好勉強，搵個第二個喇。」

「想分手嗰個係我。」

「竟然？」易拎對自己嘅誤判有啲驚訝。

「但你無講錯，我真係仲好鍾意佢。」

「既然仲好鍾意佢，點解要分手？」

我將同芯瑩嘅故事，從頭由兩小無猜開始、到知道大家嘅距離、然後堅持喺埋一齊，到最後剛才海旁嘅對話，原原本本講晒被呢個只係相識一個鐘嘅女仔聽。

易拎聽完後沉思咗一陣，然後語重深長咁講：「同佢去英國喇。」

「但係……」

「你已經超晒時，再講加你錢。」

我望一望鐘，原來已經喺度差唔多兩個鐘。

「唔好意思……」我喺銀包攞晒入面嗰兩千蚊俾佢，「我得咁多。」

「到咗英國閒時寄啲手信同明信片過嚟當補數就得。」易拎接過兩千蚊。

「好……好……」

我行出咗門口，易拎將門牌轉返做「營業中」，臨閂門前講咗句「一路順風」。

連一個妓女都咁講，或者我應該同芯瑩離開呢度。

返到自己租嘅百幾呎嘅納米單位，一個連轉身都難嘅屋企，點會俾到芯瑩幸福？但係，如果真係過去英國，就算做啲洗碗執貨嘅下欄工，都唔會住得咁差，夜晚唔會有廣告射燈餘光，空氣又會好啲，可能心情都舒服啲，胸襟都廣闊啲。

爬到上格床瞓喺度，整晚精神同肉體嘅操勞立刻湧上嚟，我好快就瞓著咗。

一覺醒來，又係一個返工嘅早晨。梳洗後扭開收音機，聽晨早時事評論同烽煙節目。主持提及近來最熱門嘅選舉改革，詢問正反兩方嘅嘉賓意見後，開放俾聽眾打電話上去表達意見。

一部分聽打上去嘅聽眾持有同反對派相同嘅意見，認為新嘅改革極為保守、違反民主；另一邊認為新嘅改革係不完美但可接受，係邁向民主嘅一小步。然後反對派進而控訴多年嚟都係行咗咁少，幾時先可以全民普選；支持者反駁太大嘅改革會影響社會穩定……

平時我會好留心聽，但今朝覺得好嘈，忽然間覺得自己好似喺一片泥沼裡面。喺上位嘅人不斷將濕泥倒入呢個城市，而我無力去阻止呢啲人。身邊嘅人不斷往下沉，而我無力去幫助呢班人。

雖然我感到內咎，但我好攰。我好想幫更多人，但我無力。

我想飛。

無氣無力咁返到辦事處，望住檯面上嘅文件同今日嘅活動行程表，唔想做但又唔可以唔做，只能求其達標咁做。

「阿淇，份電郵唔掂呀；跟足多少少得唔得？」

「單仔，你平時朝氣勃勃，打老虎咁樣，今日做乜無厘神氣咁嘅？」

「你個樣好頹喎……」

同事、街坊同芯瑩咁樣講。

心不在焉真後呃唔到人。

晚飯後返到屋企，開著盞暗黃色嘅書檯燈，扭開收音機。

「夢想推翻封建制度多麼偏激批判世人卑躬屈膝不再野性

幾多不妥協 為理想注滿激情

還未信轉眼老了十年 人需要清醒

難以將愛保存 人間的經緯總要轉」

納米單位。要走嘅話，執嘅嘢實在唔多。我開始打開空空嘅行李箱，將一啲衫褲執入去。

深夜音樂節目嘅開場白響起，行李箱已被填滿，單位只淨低少量衣服同家居用品。我將佢放喺門口矮櫃旁邊，櫃面有嗰張皺咗嘅機票。我掃平佢，睇睇出發日子，先發覺喺十日之後。

芯瑩嘅爸爸一向諗到就做，但估唔到我連一個月通知都俾唔到。或者佢一早準備好，只不過芯瑩唔知點開口……不過既然要一走了之，呢啲只有幾萬嘅小事佢唔會放喺眼內。

第二朝返到辦事處，我同主任開口講呢件事。

「唔係呀嘛？依家先同我講？」

「唔好意思… …女友話愈早愈好… …」外間知道我有女友，但當然唔知芯瑩嘅背景。

「走得咁急？」

「咁啱有機票。」

「咁又係嘅… …」主任嘆咗口氣，「你睇呢幾日新聞，無耐肯定有大事發生。」

「你指選舉改革單嘢？」

「仲有邊單？兩邊各不相讓。」

「你點睇？」

「我覺得全民普選當然好，但邊可以一下子登天？任何嘢都要逐步逐步嚟。咁你點睇？」

「我… …」我將想講嘅說話吞落肚，「都準備走，呢啲嘢唔關我事喇… …」

「咁又係… …」主任重新埋首工作，「你唔好以為就走就偷懶。」

「得嘞。」

「你咁幫得啲街坊，佢哋肯定唔捨得你。」

「總有人代替到我嘅… …」

「唯獨你一個～是不可給取替～」

我哋兩個大笑一陣，就再繼續做嘢。

午飯時間，醒起無同阿爸阿媽提過去英國嘅事，於是打個電話俾佢哋；一直無講，因為佢哋一定會軟硬兼施又勸又迫我去。

「芯瑩叫我同佢移民去英國。」

「係？移民去英國好呀。」阿媽反應比我預期中冷淡。

「你哋應該唔反對？」

「留喺度做乜唉……出面世界好好多。幾時走？」

「九日後。」

「咁快？」無乜邊個聽到唔驚訝，「依家先同我哋講！？」

「芯瑩爸爸想我哋愈早過去愈好……」

「咁……叫埋芯瑩走之前上嚟食餐飯……」我聽到阿媽好似有啲鼻水聲。

「阿媽你無嘢嘛……」

「你咁突然，我無心理準備……」阿媽開始喊住講。

「我哋會不時返嚟探你，又或者接埋你哋過去。」

「唔使麻煩啦……我哋又唔識雞腸……」

「要你哋過嚟幫手湊孫呀。」

「好……好……」聽到湊孫，阿媽心情都平復不少。

「我同芯瑩講，叫佢盡量抽時間。」

之後同兩老傾咗陣閒話家常，我就轉頭去約芯瑩；佢好爽快咁空咗幾日後嘅夜晚出嚟同我家人食飯。但係，我無同講到同佢哋講咗去英國嘅事。

到咗嗰晚，阿媽煮咗好餸，煲咗靚湯，一直話到嗰邊就無呢啲嘢食，叫我同芯瑩食多啲；又叫我哋好好照顧自己，多啲返嚟探佢哋兩老。

「原來你同佢哋講咗我哋去英國？」芯瑩離開時問我。

「問過下佢哋咁……想聽下佢哋點諗……」

「睇嚟佢哋已經預咗你去咁樣。」

「佢哋一向唔想我留喺呢度。」

「咁你依家點諗？」

我靜咗一陣，然後講：「今晚要唔要上我屋企？」

「你好少叫我上你屋企喎……」芯瑩有啲緊張。

我依然無出聲，依然拖住佢左手，截咗架的士去到我屋企。我打開大門，撳著屋企盞燈，叫佢入嚟。

「你……」門口依然放住收拾好嘅行李箱，「可淇，多謝你！」

芯瑩情不自禁撲入我懷內，眼淚不停滴濕我恤衫；我不斷撫摸佢嘅長髮，輕輕掃佢嘅背，盡力緩和佢激動嘅情緒。

之不過，佢呼吸依然急促；忽然間，佢掙開懷抱，拉我到嗰張細小嘅梳化，推咗我落去。

芯瑩用力撳實我膊頭。好痛。見佢雙眼閃過一抹獵食者嘅光芒，望住我呢隻動彈不能嘅獵物，我有啲驚，又有啲好奇帶嚟嘅興奮，而被坐住嘅下身亦同意我所諗。

下一秒，火熱卻柔軟嘅嘴唇撲兔般印上我頸側。不斷嘅吸啜，似要將我所有血液喺頸動脈吸走。恤衫嘅領口太礙事，佢心急咁解開我鈕扣。可惜佢唔夠力，否則一定將佢兩手撕開。

恤衫被打開，褲頭亦好快失守。我意會到要反攻，就除咗佢件罩衫同胸圍，並褪低牛仔褲亮出武器。芯瑩見到我堅硬嘅武器，唔驚不突止，仲主動除咗內褲送腰迎上。就喺我想攞返主動權時，芯瑩已經扭動纖腰，將整個下身壓落嚟。

芯瑩嬌柔叫了一聲，就想要更加多。一向有做運動習慣嘅佢，不疲地上下搖動柳腰，我只有成為俎上之肉嘅份兒。幾分鐘後，芯瑩慢咗落嚟，我抱住佢坐喺梳化，然後喺我意料之外，佢竟然喺兩人依然緊合時轉身背向我。下身有如被扭了一百八十度，又驚喜又興奮。

佢雙腳著地，雙手撐住我大腿，再次主動、激烈地上下套弄。我好快就忍唔住，排洪嘅感覺湧上嚟。

「芯瑩……我無戴套……就快嚟料……」

「無關係……可以叫你爸媽幫手湊……」講完仲有意縮起臀肌，搾咗我下身幾下。

就係呢幾下，我點都忍唔住，將精液全部送入去佢身體裡面。

芯瑩左手兜住下體，唔俾精液流出體外；右手拉起梳化嘅我，拖咗我上床為我口交，軟倒嘅下體再次企返起身，然後又被芯瑩壓實。

十幾分鐘後，我再次投出白旗投降。

身心滿足嘅芯瑩攤咗喺床上，呼吸開始慢落嚟，好快就聽到微微嘅鼾聲。

我腳軟軟行出廳，望住窗外嘅霓虹燈問自己：

「我有啲咩？想要啲咩？值得啲咩？」