三月下旬，爸爸得到公事上得到提攜，被指派到大城市返工，於是我哋一家離開海邊古老嘅佐津市，搬到鄰縣首府嘅盛屋市。 喺駛往新地方嘅火車窗外，望見盛開而落、只剩低無數椏枝嘅櫻花樹，感覺就好似我一樣，所有嘢都要重新開始。 「佢係今年由佐津市內中學轉嚟嘅新同學，請各位同佢好好相處。」早會時班主任喺講台上將我介紹俾班上嘅同學，「你就坐嗰邊嘅空位。」 「請各位多多指教。」我向面前嘅所有人稍稍鞠躬後，行到自己座位坐低，準備上堂。 上完第一節課，一部分好奇心重嘅同學開始過嚟問我初中嘅事、點解會轉校、有咩喜好等；當刻，我感到人生新嘅一章應該唔會太差。 可惜，當所有同學都知道我呢個轉校生嘅一切背景，加上呢間學校係大學附屬中學嘅高校，即係幾乎所有同學喺初中時已經熟絡、有自己嘅圈子時，就開始減少對我嘅興趣。 我唔係無試過融入佢哋嘅圈子，只不過喺大城市出世嘅佢哋，鍾意喺商店街吃喝玩樂，而喺舊城市長大嘅我，對做工藝品比較有興趣，結果我只能安靜跟住佢哋，間中陪佢哋笑笑。 過咗一排，佢哋無再約我，而我亦唔係一個喺某方面特別突出嘅學生，所以除咗禮拜上嘅對話，就再無更多嘅交流。 除咗結城老師。 入學後第一個禮拜，學校為咗協助轉校生融入校園，將我分派到佢嘅輔導班下。每逢星期二同星期五放學後非值日嘅日子，都要到輔導室同佢講下學校及生活等呢啲話題。每次結城老師聽完只會點頭，或者喺我話語中深入問一啲問題，作為佢下次輔導嘅方向。 校內嘅霸凌問題因為各人都以升學為目標，所以並唔嚴重；另外從小戶外活動較多嘅我，長得算高大同強壯，再加上輔導老師無形嘅保護，第一學期嘅校園生活平平無奇但亦無任何壞事發生。 ※ 「暑假有咩計劃？」七月下旬，假期前最後一個星期五，結城老師問我。 「我……我未有計劃。」 「我知你對傳統手工藝有興趣，雖然學校未有呢啲社團，但類似嘅都唔少，點解唔參加？」 「我對社團活動無興趣。」 「有無特別鍾意邊門手工藝？」 腦內立刻湧起中三時觀賞過嘅展品，但我無回答佢。 「未有頭緒？」結城老師托起頭講，「雖然盛屋市係一個現代化嘅大都會，但都有一啲舊街老店。我呢度有啲資料，暑假得閒不如去逛逛？」佢將一啲小冊子同打咗圓圈嘅市內地圖放喺書檯上，推到我面前。 我拎起睇睇，的確係我會有興趣去嘅地方，有幾個更加已經吸引咗我眼球，盤算緊幾時同點樣去。 「見到你好似有興趣，作為輔導老師嘅我能夠幫到你，真係鬆一口氣。」喺我集中精神...
你眼前係一道油咗紅色嘅公屋木製大門。
一如呢座幾十年嘅公屋，不難見到門上有油漆剝落或重新髹油嘅痕跡。
大門有如被奴役嘅獨眼巨人，額頭被刻上黃銅製嘅門號。
本應係零四零二嘅號碼，但兩個零字彷彿以實際行動表達自身嘅意思，只留下兩個淺色嘅印記。
巨人一邊訴說生命和宇宙間嘅終極答案，一邊以僅有嘅眼睛冷冰而毫無感情地直望住喺佢前面嘅你。
對於面前嘅巨人，你非常熟悉；你撫摸過佢每一道傷痕，正如撫摸自身嘅一樣。
不過，你嚟呢度嘅目的並非為咗可憐呢個獨眼巨人，而係為咗佢身後嘅世界。左手示意巨人讓開後，佢立刻無聲地側過身體，為身後嘅主人打開一條道路，同時為面前嘅你打破一道隔膜。
主人二話不說拉起你左手走入巨人身後嘅世界。識趣嘅巨人企返原本嘅位置，背對住你哋，盡力保護同唔阻礙你倆嘅時光。
左手被主人遞到佢嘅臉上，讓你感受到佢灼熱嘅溫度，中和你手上嘅冰冷。左手被移到嘴唇上，不斷被親吻著。
你感到手指上嘅枷鎖被除下，解脫嘅感覺好快傳到手臂，以至上身，及至整個身體。你被帶到一張躺椅旁，會意地瞓咗上去後，見到佢攞出一個殘舊嘅長方木盒，放咗喺躺椅另一邊嘅矮櫃上。
木盒中間有一個正方嘅古銅香爐，左邊有幾個銅模，右邊有個填壓器同一小盒白色粉末。佢拎出香爐，用填壓器將灰粉末壓實壓平。然後放上一個銅模，倒入白色粉末，再將多餘嘅用小掃帚掃入爐邊嘅坑內。
銅模被小心翼翼抽出，你見到一條栩栩如生嘅白色東方龍。當佢點起龍尾伸延出嚟嘅一條幼棉線，火紅嘅燃點就好似追緊條龍。直到紅點燒起龍尾，白煙冉冉升起。
你望住白煙爬上天花板，化做一朵雲後，開始發覺嗰片雲愈來愈近。回頭一看，原來自己已經飄喺半空，肉身僵硬而無神瞓喺躺椅上。
驚慌係你唯一嘅反應。你有如溺水嘅小孩胡亂撥動手腳，想搵到一處依靠。
半浮不沉之際，有人拖住你左手，好似彼德潘帶你飛出窗口去。
你可以飛。佢喺耳邊細語。
呢句說話有如咒語。你鼓起勇氣，甩開本來拖住左手嘅手，任憑四肢攤開、身體放鬆。
好快你就發現，你真係可以飛。
你剎那間明白到，The only thing you have to fear is …… fear itself。
呢一晚，你自由了。
你第一時間逃離呢座侷促而壓抑嘅石屎森林，飛到一直好想去嘅南極。你終於睇到一直夢寐以求嘅景色——壯麗嘅極光將白色嘅冰川染成綠色、皇帝企鵝群圍成一團站立而睡、座頭鯨魚拍鰭暢泳。
未滿足嘅你再飛到另一個地方：文藝復興嘅誕生地佛羅倫斯。你不費吹灰之力飛到百花聖殿嘅鐘樓上，俯視一眾有如泛黃而古老書籍嘅後中世紀時期建築。你覺得每一處都帶住無限嘅神秘，好想一一去揭曉。
然而，最吸引你嘅目光係共和廣場上嘅迴旋木馬。難道挑動咗失去嘅童心？定係懷緬小時候嘅無憂無慮？無論咩原因，你已經急不及待飛到木馬上，隨住音樂團團轉得不亦樂乎而忘返。
瞥眼間一條白龍空中飛過，你認得同香爐中嘅一樣，於是全力去追。你跟住龍尾越過五大洋七大洲，卻依然伸手不可觸及。最後，你同白龍衝入一團白雲，發覺佢已經消失。
雲霧散去，身處嘅地方變得明顯。抬頭一望，你見到一雙大眼冷漠垂視，訴說着眾生皆苦。無力感一下子湧上，剛才自由嘅喜悅全部消散，你悲嘆；悲嘆來來回回、兜兜轉轉，依然飛唔出如來嘅掌心、逃唔出現實嘅束縛。
嚎哭。你只能嚎哭。
直到你發現自己再次瞓喺躺椅上，呼吸短而急，胸口不由己地抽搐。
你好想再次感受剛才自由飛翔嘅喜悅，可惜白龍已經喺香爐中燒盡。
正如龍只係虛無飄渺嘅幻象，一追再追亦得唔到結果。呢個係氣數、係命數，能追不能變。
或者，巨人早已將答案訴諸於你，只係你一直無為意。
錯誤嘅輸入，只有錯誤嘅輸出。
你苦苦一笑，慢慢走向無窗花嘅窗口。
呢一次，你知道你會得到真正嘅自由。
一如呢座幾十年嘅公屋，不難見到門上有油漆剝落或重新髹油嘅痕跡。
大門有如被奴役嘅獨眼巨人，額頭被刻上黃銅製嘅門號。
本應係零四零二嘅號碼，但兩個零字彷彿以實際行動表達自身嘅意思，只留下兩個淺色嘅印記。
巨人一邊訴說生命和宇宙間嘅終極答案，一邊以僅有嘅眼睛冷冰而毫無感情地直望住喺佢前面嘅你。
對於面前嘅巨人，你非常熟悉；你撫摸過佢每一道傷痕，正如撫摸自身嘅一樣。
不過，你嚟呢度嘅目的並非為咗可憐呢個獨眼巨人，而係為咗佢身後嘅世界。左手示意巨人讓開後，佢立刻無聲地側過身體，為身後嘅主人打開一條道路，同時為面前嘅你打破一道隔膜。
主人二話不說拉起你左手走入巨人身後嘅世界。識趣嘅巨人企返原本嘅位置，背對住你哋，盡力保護同唔阻礙你倆嘅時光。
左手被主人遞到佢嘅臉上，讓你感受到佢灼熱嘅溫度，中和你手上嘅冰冷。左手被移到嘴唇上，不斷被親吻著。
你感到手指上嘅枷鎖被除下，解脫嘅感覺好快傳到手臂，以至上身，及至整個身體。你被帶到一張躺椅旁，會意地瞓咗上去後，見到佢攞出一個殘舊嘅長方木盒，放咗喺躺椅另一邊嘅矮櫃上。
木盒中間有一個正方嘅古銅香爐，左邊有幾個銅模，右邊有個填壓器同一小盒白色粉末。佢拎出香爐，用填壓器將灰粉末壓實壓平。然後放上一個銅模，倒入白色粉末，再將多餘嘅用小掃帚掃入爐邊嘅坑內。
銅模被小心翼翼抽出，你見到一條栩栩如生嘅白色東方龍。當佢點起龍尾伸延出嚟嘅一條幼棉線，火紅嘅燃點就好似追緊條龍。直到紅點燒起龍尾，白煙冉冉升起。
你望住白煙爬上天花板，化做一朵雲後，開始發覺嗰片雲愈來愈近。回頭一看，原來自己已經飄喺半空，肉身僵硬而無神瞓喺躺椅上。
驚慌係你唯一嘅反應。你有如溺水嘅小孩胡亂撥動手腳，想搵到一處依靠。
半浮不沉之際，有人拖住你左手，好似彼德潘帶你飛出窗口去。
你可以飛。佢喺耳邊細語。
呢句說話有如咒語。你鼓起勇氣，甩開本來拖住左手嘅手，任憑四肢攤開、身體放鬆。
好快你就發現，你真係可以飛。
你剎那間明白到，The only thing you have to fear is …… fear itself。
呢一晚，你自由了。
你第一時間逃離呢座侷促而壓抑嘅石屎森林，飛到一直好想去嘅南極。你終於睇到一直夢寐以求嘅景色——壯麗嘅極光將白色嘅冰川染成綠色、皇帝企鵝群圍成一團站立而睡、座頭鯨魚拍鰭暢泳。
未滿足嘅你再飛到另一個地方：文藝復興嘅誕生地佛羅倫斯。你不費吹灰之力飛到百花聖殿嘅鐘樓上，俯視一眾有如泛黃而古老書籍嘅後中世紀時期建築。你覺得每一處都帶住無限嘅神秘，好想一一去揭曉。
然而，最吸引你嘅目光係共和廣場上嘅迴旋木馬。難道挑動咗失去嘅童心？定係懷緬小時候嘅無憂無慮？無論咩原因，你已經急不及待飛到木馬上，隨住音樂團團轉得不亦樂乎而忘返。
瞥眼間一條白龍空中飛過，你認得同香爐中嘅一樣，於是全力去追。你跟住龍尾越過五大洋七大洲，卻依然伸手不可觸及。最後，你同白龍衝入一團白雲，發覺佢已經消失。
雲霧散去，身處嘅地方變得明顯。抬頭一望，你見到一雙大眼冷漠垂視，訴說着眾生皆苦。無力感一下子湧上，剛才自由嘅喜悅全部消散，你悲嘆；悲嘆來來回回、兜兜轉轉，依然飛唔出如來嘅掌心、逃唔出現實嘅束縛。
嚎哭。你只能嚎哭。
直到你發現自己再次瞓喺躺椅上，呼吸短而急，胸口不由己地抽搐。
你好想再次感受剛才自由飛翔嘅喜悅，可惜白龍已經喺香爐中燒盡。
正如龍只係虛無飄渺嘅幻象，一追再追亦得唔到結果。呢個係氣數、係命數，能追不能變。
或者，巨人早已將答案訴諸於你，只係你一直無為意。
錯誤嘅輸入，只有錯誤嘅輸出。
你苦苦一笑，慢慢走向無窗花嘅窗口。
呢一次，你知道你會得到真正嘅自由。
留言
發佈留言