呢一晚返屋企前，我去買咗一個人形攬枕，除咗作為練習之用，亦可以轉移爸媽嘅視線。果然返到屋企，媽見我抱住一個攬枕，問我做咩買返嚟。我話始終未習慣新床，瞓得唔好，所以買個攬枕睇下會唔會好啲。媽聽完後，因為仲忙緊煮晚飯，就無理到我。 晚飯時，我向爸媽話喺一間工房度搵到短期工，暑假每逢二、四、六同日都會早出門。爸媽聽到後都贊成我呢個年紀要試下打工，累積經驗為將來作準備，所以無問太多，而且尚算支持。 入夜，等到爸媽同我講晚安，入房瞓覺，然後再等多廿分鐘，確認爸媽已經熟睡，我就喺我嗰個上咗鎖嘅櫃桶，攞咗今日買嘅麻繩出嚟。我除低睡衣，赤裸坐喺床上，右手揸住未解封嘅呢束麻繩，感受佢嘅質感同魅力。無耐，左手開始羨慕右手，將麻繩搶過嚟。身體其他細胞見狀，亦開始躁動起嚟，不停叫嚷。左手無奈地分享，繩束有如洗澡中嘅海綿，滑過右臂、掃過臉龐、遊過乳頭、掠過胯下。 紅色麻繩化成粗壯血管，將能量灌注我體內，彷彿重現中三當時嘅情景，而且呢次感覺更實在，令我更加渴求當日面貌模糊嘅女人。身體每一寸呼喚著觸感，使我有心無意將攬枕拉過嚟，將麻繩放於之間，兩臂抱實、雙腿夾緊，不停來回婆娑。 攬枕嘅柔軟、麻繩嘅強韌，相似嘅能量、反差嘅刺激… … 身體終於承受唔到，所有嘢化成白液反饋於床上。 腳軟軟嘅我將麻繩鎖返入櫃，清理床上嘅後遺，抱住身邊模糊面容嘅女人入睡。 第二日，本來計劃好嘅暑假行程，亦即本來要去嘅舊店、寺廟，甚至盛屋當地文化遺產，通通喺我腦內以刪除線劃掉，全部換咗去「御船組紐」工房學編織。 第一次去工房，老婦人先帶我參觀內部全貌。原來除咗繩織外，長屋內會進行染色嘅工作。佢喺我面前示範點樣將線材以繧繝手法染色，然後將染好嘅線整齊咁掛喺架上瀝乾。佢亦帶我去睇工房咁多年嚟唔同顏色嘅線材組紐，及歷來做過嘅花式樣版存貨。 所有嘢對我嚟講都係新奇有趣，令我大開眼界。 我食咗老婦人準備嘅午飯，下晝佢哋三個織繩，我就好似嗰日咁喺旁邊觀察佢哋點整。老婦人怕我悶，俾咗啲繩織入門書我睇。書上教我點樣去打一啲簡單嘅繩結，同只用雙手去織一啲簡單嘅手繩。無耐，老婦人見我憑空比劃，和藹咁笑住遞咗啲繩比我練習，我亦欣然接受，開始簡單嘅繩編練習。 從呢日開始，每當喺屋企，我一有機會，就匿喺房細讀老匠人推薦嘅兩本書。我先從入門書開始睇。起初頭幾章，講嘅係人體構造、安全準備同注意事項。正如老匠人所講，亂縛又無應變對策，會好容易整傷甚至誤殺...
我估唔到，會喺平安夜嘅公司間嘅商務下午酒會見到你。
你喺我同其他公司嘅銷售員交談嘅時候，從遠處嘅侍應身後，有如罕見嘅雪豹緩緩走出洞穴。
而我，就如野生攝影師，喺見到你嗰刻，身心都凝住。一塊厚而大嘅隱形舞台布幕倏然垂下，將身旁銷售員嘅說話隔住；酒店會堂嘅吵鬧聲亦一下靜落嚟。我聽到嘅只有自己洶湧嘅心跳聲。
為咗避免尷尬，同時為咗壓抑內心嘅激動，我雙眼無追逐你嘅身影，盡快重返原本嘅位置，但係嘴巴已經講唔出長嘅句子，只會簡單回應銷售員嘅問題及精短講解公司嘅業務。
身邊嘅人終於散去，我急忙快步走入洗手間。望住鏡入面嘅自己，問佢應該出去搵你，定當無事發生過好啲？如果你過嚟同我打招呼，我應該點樣回答？
誠然，本身喺度遇見你係意料同情理之外嘅事，既然係咁我點諗都無用，倒不如順其自然。
我用冷水洗個臉，走返出會堂，繼續同有潛力嘅公司代表寒喧同推銷，不時斜眼留意你嘅蹤跡。不過就如跌嘢係咁搵，反而乜都搵唔到。就係咁，直到酒會完結，我再都無見到你。
會堂人潮漸散，跟隨同事搭𨋢行出酒店時係度諗，我自問甘心乜事都無發生過，就咁樣離開酒店嗎？呢個可能係我唯一一次再見你嘅機會，我可以就咁放棄嗎？
到咗地下嗰層，所有同事出咗去，轉頭見到我唔郁，問我咩事。我回答佢哋好似漏低咗嘢，想上去搵下。於是，同事們留低咗我同一句聖誕快樂後，就消失喺我視線內。
我撳咗去會堂嘅樓層，本來幾秒嘅時間，思緒卻如坐咗幾轉過山車咁上上落落。我忽然覺得無論點都好，嗰刻都應該叫住你，唔駛搞到依家怕追唔返而心神不定同後悔。
𨋢門一打開，我目光注視著會堂大木門衝咗出去，無留意到前面有個人。
「唔好意思。」我撞到佢膊頭，但我無回頭向佢道歉。
「你咁急去邊？」熟悉嘅聲音響起，我煞停雙腳，轉身望向𨋢門前。
果然係你。
「好耐無見……」腦袋運作咗幾秒先擠得出呢幾個字。
「好耐無見。」
你行上前，舉起右手，係想握手定擁抱？我猜唔到。然後見你右手橫留喺空中嘅一剎，覺得你想擁抱。我立即上前打開右臂，你卻已經將右手打直伸出，做出握手嘅姿勢。
我硬生生停住擁抱嘅動作，突兀咁將手伸出去握手。
我哋握咗好耐，可能因為大家都唔知下一步要點做。
「頭先咁急去邊？」你打破悶局。
「去搵啲嘢… …」我感到酒店員工向我哋投出奇怪嘅目光，尷尬又有啲唔捨得咁鬆開手，「但依家唔駛喇… …」
「哦… …」
電梯嘅門再次打開，一個服務員行出嚟。佢見到企喺門前嘅我哋，有禮貌咁擋住道門。
你踏出向𨋢門嘅第一步，但我唔想就此完結。喺電梯嘅狹小空間，我猶豫緊點開口。
「有無時間聚下舊？」你搶先講咗我心入面嘅說話。
「好。」
「不如上我屋企？酒吧太嘈傾計唔方便。」
「唔會阻到你嘛？」
「我仲係單身。」你講完後無理到我有無回答，拎手機喺網上出嚟叫咗架車。幾分鐘後，架車已經喺我哋前面。我同你一人一邊，坐咗喺車窗旁邊。
望住窗外人群，我咀嚼著你上車前嗰句話，但有結論前已經到咗你屋企樓下。
上到你屋企，你示意我隨便坐。簡單而精緻嘅一房一廳公寓，整齊而清潔，同以前嘅你一模一樣。
「黑啤無問題嘛？頭先啲雞尾酒太甜。」佢喺廚房攞咗半打朝日出嚟。
「可以。」我坐咗面對電視嘅雙人梳化，而佢將啤酒放喺我前面嘅茶几，坐喺同我成直角嘅單人梳化。
大家各自打開一罐啤酒，飲咗幾啖，開始講起高中時相識朋友、教師同神父嘅近況。你同我講我哋當年嘅神父幾年前因癌病過咗身，自動請纓去幫佢打點葬禮。
「嗰日我有通知全班同學，但唔見你嚟嘅？」你問。
「我可能出咗外地公幹。」
「講起佢，佢嗰時好落力推動學校嘅足球發展，令到球隊入到決賽，記得嘛？」
「我點會唔記得？嗰次係我哋中學史上唯一一次入到校際足球錦標嘅決賽。」
「原來佢哋有錄影，仲剪咗條短片，我攞咗個備份，要睇嘛？」
「可以。」
你好興奮咁打開電腦，用影音線將電腦同電視駁上，打開嗰場波嘅影片，坐咗喺我身旁一齊睇。
第一個鏡頭就係當年球場嘅模樣。雖然唔係咩靚球場，仲有啲地方嘅草皮失修，只有褐色嘅乾泥，但依然係我哋夢寐以求，憧憬到達嘅地方。
之後係更衣室嘅片段。揸機嘅老師影住教練向所有人講解當日戰術同要注意嘅地方，仲有勉勵大家盡力而為，唔好將來後悔。跟住所有人聽到廣播，有秩序咁走出更衣室。
鏡頭從近鏡轉為俯瞰，影住中場圈嘅兩個人。一個係著住十號嘅我，另一個係著住十一號嘅你。
哨聲一響，我將個波俾咗你，然後你將佢踢向後面嘅中場球員。一輪傳球後，足球又返到你腳下。你同中場隊友一直傳球推進，好快就到對手嘅禁區前位置。
你喺左邊高波斬入禁區，我衝前迎接，想以頭錘攻門，但始終因為要避過對方後衛嘅阻攔而慢咗一步，只係頂到個波但毫無威脅。
影片播放下一個攻勢。今次你控球在腳，扭過兩個防守嘅中場，地波傳入禁區嘅我。我全速跑去接應，拉右腳射門，但身前嘅後衛擋住大部分球路，皮球只能安全咁直線送入守門員嘅懷抱。
然後，鏡頭影住大鐘指四十五分，半場完結。記憶中對手嘅攻門比我哋多，而且更具威脅，上半場幾乎處於捱打狀態，但既然係學校錄影，可能想盡量展示學校好嘅一面而剪走咗嗰啲場面。
「記唔記得，嗰時啲隊友話我哋係志偉同泰萊……」
「係咩……我覺得唔似……」
其實我點會唔記得。只不過比起志偉，我更加似小志強。家境小康不如、獨行獨斷一匹狼、踢法粗暴，等等。校隊裡面除咗你之外，無乜人會傳波俾我。
相反，你的確似泰萊。本身係教徒嘅你，家底唔錯又無架子，因此人緣極好，受隊友崇拜。腳法巧妙、傳球冷靜，幾乎所有入球都由你直接助攻或間接帶起。
「但我依然鍾意傳波俾你。」
「點解？」
「因為你總係喺最佳位置。」
我無回應你，只係將剩低嘅半罐啤酒飲盡。
電視播起對方嘅攻勢。嗰時已經踢咗六十幾分鐘，好多隊友都開始攰，個波幾乎未到過對方嘅半邊場。記得呢輪攻勢特別凌厲，連我都要返去防守。
螢幕顯示對手喺邊線得到一個罰球，我隊立刻排好人牆，守住前後柱。對方斬入禁區，被我哋後衛頭錘解圍。可惜個波落返喺對方前鋒腳下，佢用力向龍門空位抽射，啱啱喺附近嘅我反射地撲向個波，結果塊面被直接射中，然後被隊友大腳解圍。
雖然段片之後無影到出嚟，但我好記得我嗰刻斷咗一兩秒片先坐得返起身，而且流緊鼻血。你好緊張咁遞咗條毛巾俾我，仲大叫其他人攞冰袋落嚟。
正當教練想同球證講換人時，我好嬲咁指於兩個隊友大叫：「你竟然換我？點解你唔換咗呢兩個跑唔郁嘅蛋散先？」
「講咩呀你？」「教練都係擔心你！」其他隊友立即起哄。
你見到咁嘅情況，立刻幫我解圍，幫我講好說話，同建議俾我場外休息幾分鐘再入場比賽先作決定。最後教練被你說服咗，十人比賽下力保不失，而我亦喺幾分鐘後入返場。
影片嚟到最後幾分鐘，亦係場波最後嘅幾分鐘。
對方久攻不下，開始有啲急躁，結果犯咗一次錯誤，俾你抄截到個波。你立即帶波上前場，我同另一個前鋒亦睇準機會衝上前場支援。見你扭過對方右後防，喺禁區前造成三打二嘅形勢。
我相信球場上所有人都屏住氣息，就連已經知道結果嘅我，望住呢刻都不得不緊張，而身旁嘅你更加捉緊我膝上嘅右手。
螢幕中嘅你作勢將個波推往底線，禁區內嘅中堅不為作動，繼續防住你右邊。對方嘅支援好快就到，你知道無得再拖，大步推返去右邊夾硬傳中俾我。
呢球唔係你最好嘅傳球，但一定係最盡力傳嘅一球。我唔想浪費，好想送佢入龍門，但我背向龍門，身後嘅後衛步步緊迫。我知道我控球唔好，控定嘅話一定被對方篤走個波，於是我俾個波喺面前掠過，身體壓住佢轉身抽射。
個波擦過後衛伸出嚟腳，穿過守門員撲出嚟嘅五指關，然後……
「嘭」一聲！
應聲撞向橫楣！
「呀！」我記得嗰刻我唔忿氣大聲叫咗一下。
不過，攝影機影唔到我嘅憤怒，只係影到個波啱啱跌落後上嘅前鋒腳下，俾佢執死雞射咗入網。
佢開心得衝咗去觀眾席，幾乎所有隊友都去同佢慶祝。
只有我喺龍門垂頭喪氣。
「如果……你射入咗球波就好喇……」你挨喺我膊頭上講，「如果……你射入咗，我就可以毫無顧忌咁抱住你。」
「對唔住……我……辜負咗你對我嘅期望……」
「咁依家呢？」
我轉頭，同你四目交投。你就好似球場中嘅泰萊，眼內不斷向我送出漂亮嘅傳球；而我不斷接應，不斷向龍門抽射，都一一被後衛或守門員擋出。
點解……點解你唔直接扭入禁區……點解你只係一直傳球……？
手機鈴聲響起，正如完場哨聲一樣，示意一切要完結，在場每個人需要退場。
「老婆，唔好意思……我見到個舊朋友，講多咗兩句，好快返嚟食飯。」
我企起身，一聲不響離開你身邊。我喺門口聽到你嘅喊聲，但我已無辦法。既然年少時有嘅衝動，依然衝唔過當年嘅障礙，如今彼此障礙更多更大，力量卻如此微弱，結局只有苦澀嘅遺憾，及酸溜嘅哀愁。
你喺我同其他公司嘅銷售員交談嘅時候，從遠處嘅侍應身後，有如罕見嘅雪豹緩緩走出洞穴。
而我，就如野生攝影師，喺見到你嗰刻，身心都凝住。一塊厚而大嘅隱形舞台布幕倏然垂下，將身旁銷售員嘅說話隔住；酒店會堂嘅吵鬧聲亦一下靜落嚟。我聽到嘅只有自己洶湧嘅心跳聲。
為咗避免尷尬，同時為咗壓抑內心嘅激動，我雙眼無追逐你嘅身影，盡快重返原本嘅位置，但係嘴巴已經講唔出長嘅句子，只會簡單回應銷售員嘅問題及精短講解公司嘅業務。
身邊嘅人終於散去，我急忙快步走入洗手間。望住鏡入面嘅自己，問佢應該出去搵你，定當無事發生過好啲？如果你過嚟同我打招呼，我應該點樣回答？
誠然，本身喺度遇見你係意料同情理之外嘅事，既然係咁我點諗都無用，倒不如順其自然。
我用冷水洗個臉，走返出會堂，繼續同有潛力嘅公司代表寒喧同推銷，不時斜眼留意你嘅蹤跡。不過就如跌嘢係咁搵，反而乜都搵唔到。就係咁，直到酒會完結，我再都無見到你。
會堂人潮漸散，跟隨同事搭𨋢行出酒店時係度諗，我自問甘心乜事都無發生過，就咁樣離開酒店嗎？呢個可能係我唯一一次再見你嘅機會，我可以就咁放棄嗎？
到咗地下嗰層，所有同事出咗去，轉頭見到我唔郁，問我咩事。我回答佢哋好似漏低咗嘢，想上去搵下。於是，同事們留低咗我同一句聖誕快樂後，就消失喺我視線內。
我撳咗去會堂嘅樓層，本來幾秒嘅時間，思緒卻如坐咗幾轉過山車咁上上落落。我忽然覺得無論點都好，嗰刻都應該叫住你，唔駛搞到依家怕追唔返而心神不定同後悔。
𨋢門一打開，我目光注視著會堂大木門衝咗出去，無留意到前面有個人。
「唔好意思。」我撞到佢膊頭，但我無回頭向佢道歉。
「你咁急去邊？」熟悉嘅聲音響起，我煞停雙腳，轉身望向𨋢門前。
果然係你。
「好耐無見……」腦袋運作咗幾秒先擠得出呢幾個字。
「好耐無見。」
你行上前，舉起右手，係想握手定擁抱？我猜唔到。然後見你右手橫留喺空中嘅一剎，覺得你想擁抱。我立即上前打開右臂，你卻已經將右手打直伸出，做出握手嘅姿勢。
我硬生生停住擁抱嘅動作，突兀咁將手伸出去握手。
我哋握咗好耐，可能因為大家都唔知下一步要點做。
「頭先咁急去邊？」你打破悶局。
「去搵啲嘢… …」我感到酒店員工向我哋投出奇怪嘅目光，尷尬又有啲唔捨得咁鬆開手，「但依家唔駛喇… …」
「哦… …」
電梯嘅門再次打開，一個服務員行出嚟。佢見到企喺門前嘅我哋，有禮貌咁擋住道門。
你踏出向𨋢門嘅第一步，但我唔想就此完結。喺電梯嘅狹小空間，我猶豫緊點開口。
「有無時間聚下舊？」你搶先講咗我心入面嘅說話。
「好。」
「不如上我屋企？酒吧太嘈傾計唔方便。」
「唔會阻到你嘛？」
「我仲係單身。」你講完後無理到我有無回答，拎手機喺網上出嚟叫咗架車。幾分鐘後，架車已經喺我哋前面。我同你一人一邊，坐咗喺車窗旁邊。
望住窗外人群，我咀嚼著你上車前嗰句話，但有結論前已經到咗你屋企樓下。
上到你屋企，你示意我隨便坐。簡單而精緻嘅一房一廳公寓，整齊而清潔，同以前嘅你一模一樣。
「黑啤無問題嘛？頭先啲雞尾酒太甜。」佢喺廚房攞咗半打朝日出嚟。
「可以。」我坐咗面對電視嘅雙人梳化，而佢將啤酒放喺我前面嘅茶几，坐喺同我成直角嘅單人梳化。
大家各自打開一罐啤酒，飲咗幾啖，開始講起高中時相識朋友、教師同神父嘅近況。你同我講我哋當年嘅神父幾年前因癌病過咗身，自動請纓去幫佢打點葬禮。
「嗰日我有通知全班同學，但唔見你嚟嘅？」你問。
「我可能出咗外地公幹。」
「講起佢，佢嗰時好落力推動學校嘅足球發展，令到球隊入到決賽，記得嘛？」
「我點會唔記得？嗰次係我哋中學史上唯一一次入到校際足球錦標嘅決賽。」
「原來佢哋有錄影，仲剪咗條短片，我攞咗個備份，要睇嘛？」
「可以。」
你好興奮咁打開電腦，用影音線將電腦同電視駁上，打開嗰場波嘅影片，坐咗喺我身旁一齊睇。
第一個鏡頭就係當年球場嘅模樣。雖然唔係咩靚球場，仲有啲地方嘅草皮失修，只有褐色嘅乾泥，但依然係我哋夢寐以求，憧憬到達嘅地方。
之後係更衣室嘅片段。揸機嘅老師影住教練向所有人講解當日戰術同要注意嘅地方，仲有勉勵大家盡力而為，唔好將來後悔。跟住所有人聽到廣播，有秩序咁走出更衣室。
鏡頭從近鏡轉為俯瞰，影住中場圈嘅兩個人。一個係著住十號嘅我，另一個係著住十一號嘅你。
哨聲一響，我將個波俾咗你，然後你將佢踢向後面嘅中場球員。一輪傳球後，足球又返到你腳下。你同中場隊友一直傳球推進，好快就到對手嘅禁區前位置。
你喺左邊高波斬入禁區，我衝前迎接，想以頭錘攻門，但始終因為要避過對方後衛嘅阻攔而慢咗一步，只係頂到個波但毫無威脅。
影片播放下一個攻勢。今次你控球在腳，扭過兩個防守嘅中場，地波傳入禁區嘅我。我全速跑去接應，拉右腳射門，但身前嘅後衛擋住大部分球路，皮球只能安全咁直線送入守門員嘅懷抱。
然後，鏡頭影住大鐘指四十五分，半場完結。記憶中對手嘅攻門比我哋多，而且更具威脅，上半場幾乎處於捱打狀態，但既然係學校錄影，可能想盡量展示學校好嘅一面而剪走咗嗰啲場面。
「記唔記得，嗰時啲隊友話我哋係志偉同泰萊……」
「係咩……我覺得唔似……」
其實我點會唔記得。只不過比起志偉，我更加似小志強。家境小康不如、獨行獨斷一匹狼、踢法粗暴，等等。校隊裡面除咗你之外，無乜人會傳波俾我。
相反，你的確似泰萊。本身係教徒嘅你，家底唔錯又無架子，因此人緣極好，受隊友崇拜。腳法巧妙、傳球冷靜，幾乎所有入球都由你直接助攻或間接帶起。
「但我依然鍾意傳波俾你。」
「點解？」
「因為你總係喺最佳位置。」
我無回應你，只係將剩低嘅半罐啤酒飲盡。
電視播起對方嘅攻勢。嗰時已經踢咗六十幾分鐘，好多隊友都開始攰，個波幾乎未到過對方嘅半邊場。記得呢輪攻勢特別凌厲，連我都要返去防守。
螢幕顯示對手喺邊線得到一個罰球，我隊立刻排好人牆，守住前後柱。對方斬入禁區，被我哋後衛頭錘解圍。可惜個波落返喺對方前鋒腳下，佢用力向龍門空位抽射，啱啱喺附近嘅我反射地撲向個波，結果塊面被直接射中，然後被隊友大腳解圍。
雖然段片之後無影到出嚟，但我好記得我嗰刻斷咗一兩秒片先坐得返起身，而且流緊鼻血。你好緊張咁遞咗條毛巾俾我，仲大叫其他人攞冰袋落嚟。
正當教練想同球證講換人時，我好嬲咁指於兩個隊友大叫：「你竟然換我？點解你唔換咗呢兩個跑唔郁嘅蛋散先？」
「講咩呀你？」「教練都係擔心你！」其他隊友立即起哄。
你見到咁嘅情況，立刻幫我解圍，幫我講好說話，同建議俾我場外休息幾分鐘再入場比賽先作決定。最後教練被你說服咗，十人比賽下力保不失，而我亦喺幾分鐘後入返場。
影片嚟到最後幾分鐘，亦係場波最後嘅幾分鐘。
對方久攻不下，開始有啲急躁，結果犯咗一次錯誤，俾你抄截到個波。你立即帶波上前場，我同另一個前鋒亦睇準機會衝上前場支援。見你扭過對方右後防，喺禁區前造成三打二嘅形勢。
我相信球場上所有人都屏住氣息，就連已經知道結果嘅我，望住呢刻都不得不緊張，而身旁嘅你更加捉緊我膝上嘅右手。
螢幕中嘅你作勢將個波推往底線，禁區內嘅中堅不為作動，繼續防住你右邊。對方嘅支援好快就到，你知道無得再拖，大步推返去右邊夾硬傳中俾我。
呢球唔係你最好嘅傳球，但一定係最盡力傳嘅一球。我唔想浪費，好想送佢入龍門，但我背向龍門，身後嘅後衛步步緊迫。我知道我控球唔好，控定嘅話一定被對方篤走個波，於是我俾個波喺面前掠過，身體壓住佢轉身抽射。
個波擦過後衛伸出嚟腳，穿過守門員撲出嚟嘅五指關，然後……
「嘭」一聲！
應聲撞向橫楣！
「呀！」我記得嗰刻我唔忿氣大聲叫咗一下。
不過，攝影機影唔到我嘅憤怒，只係影到個波啱啱跌落後上嘅前鋒腳下，俾佢執死雞射咗入網。
佢開心得衝咗去觀眾席，幾乎所有隊友都去同佢慶祝。
只有我喺龍門垂頭喪氣。
「如果……你射入咗球波就好喇……」你挨喺我膊頭上講，「如果……你射入咗，我就可以毫無顧忌咁抱住你。」
「對唔住……我……辜負咗你對我嘅期望……」
「咁依家呢？」
我轉頭，同你四目交投。你就好似球場中嘅泰萊，眼內不斷向我送出漂亮嘅傳球；而我不斷接應，不斷向龍門抽射，都一一被後衛或守門員擋出。
點解……點解你唔直接扭入禁區……點解你只係一直傳球……？
手機鈴聲響起，正如完場哨聲一樣，示意一切要完結，在場每個人需要退場。
「老婆，唔好意思……我見到個舊朋友，講多咗兩句，好快返嚟食飯。」
我企起身，一聲不響離開你身邊。我喺門口聽到你嘅喊聲，但我已無辦法。既然年少時有嘅衝動，依然衝唔過當年嘅障礙，如今彼此障礙更多更大，力量卻如此微弱，結局只有苦澀嘅遺憾，及酸溜嘅哀愁。
留言
發佈留言