「媽，我頭先撞到個朋友，想一齊食飯，今晚會遲啲返屋企。」 「係咪女仔呀？」電話另一邊嘅語音笑住講，「記住唔好太夜返屋企。」 我答咗「知道」後收咗線，結城老師就遞咗個餐牌過嚟，一睇先知呢間餐廳嘅嘢食幾貴，立即諗到自己嘅零用錢夠唔夠。 「放心，老師請你。」佢好似睇穿我嘅心思，「無理由要一個無收入嘅學生食咁貴嘅晚飯。」 「唔……唔使嘞……我俾得起嘅……」作為男生，覺得無論對方係邊個，都應該要表示大方。 「噗哧！」老師忽然掩嘴一笑，「你只係十六歲，未需要扮老成大體，但我相信你會知分寸，唔會叫過量或過貴嘅嘢食嘅。」 「當……當然唔會。」 「唔介意我飲酒嘛？」 「唔介意……平時老師會飲酒？」 「本身唔係成日飲，只係今晚有酒癮。」 「唔搵朋友陪你？」 「我呢個年紀，身邊嘅朋友都結晒婚或有男朋友，唔想打擾佢哋。」 「所以你搵… …牛郎？」 結城老師靜咗一陣，未開口答我前被走過嚟嘅侍應搶先開口。我哋只好轉換話題，點好自己想食嘅菜式。 然後，打斷咗嘅說話再無連上。 我哋靜靜咁等侍應放低各自嘅餐點，輕輕咁拎起刀叉，切開各自嘅食物，放入口內慢慢咀嚼。餐廳播起一首好舊嘅英文歌，去到副歌部分，樂隊不停唱住「Let it be」。 我唔係好知點解，只覺得佢同老匠人嘅說話不謀而合。 「對唔住，結城老師。」意粉剩低一半時，我放下刀叉望住白色圓碟上嘅青口講。 「做咩事無端端道歉？」佢亦放低餐具，右手溜入我視線中，拎起眼角內嘅酒杯。我隨住紅酒望向佢。 「嗰排我心好煩，因為無論我做咩嘢、喺咩時候，個腦就會浮現一個女仔嘅模樣；」我將目光稍稍移到佢臉側空白嘅牆，「我做咗好多嘢去壓抑，令自己唔去想去諗，但都無作用。我唔知點去面對、去排解，然後嗰日你關心我嘅時候，我煩躁得對你大聲無禮說話，所以想道歉。」 結城老師放低酒杯，鬆一口氣微笑說：「如果你係同我一樣年紀，我會話咁大個人仲煩呢啲小事，但十六歲嘅你，呢啲係足以影響將來嘅人生大事，所以你放心，我唔會怪你或者嬲你。」 「唔好意思……」 「個女仔係邊個？講唔講得被我知？」結城老師嘅語氣同神情，好似返到佢中學時同班上同學聊八卦嘅模樣。 「唔……佢係我以前初中嘅同學……」 「講多啲俾我聽下？大概係咩樣？你同佢點識？有過咩交流？」佢興奮得大口大口飲完杯酒後，舉手叫侍應續杯。 我被佢一連串嘅問題嚇親，連忙喺腦內搵初中時校園生活點滴去應付。結城老師一邊呷住紅酒，一邊聽我似是而...
呢度放咗我寫過嘅短故。對我來講，短故嘅定義係：
1) 一個有時間人物地點嘅故事；
2) 整篇字數喺 MS Word count 少於二萬字；
所有短故由新至舊排列。
如果有啲故喺我 Medium 見到，但呢度見唔到，大可能係我想續寫多一兩篇，或者本身未寫完。
另外，我寫嘢嘅題材有時帶有色情露骨、暴力黑暗、另類性癖等劇情，未滿十八歲或道德潔癖者不宜閱讀。
- 健身室的對倒（Tête-bêche dans la gymnase）
- 富春山居圖
- 西遊另記
- 紅繩．銀鈴．刀
- 志強與泰萊
- 開心
- 追龍
- 生為卷紙，我很……
- 布與瓊
- 安非他命
- 放課後的和菓子
- 服部控與九連環
- 極夜之城上的它她牠
- 其實早知確診了
- 大叔……你插入嚟嗰時可唔可以輕力啲？
- 讓我們的回憶終結在今夜的渡輪上
- 鴨屎綠之死
- 太古城一夜
- 歡迎來到俱樂部
- 現代的伊卡洛斯們
- 生死簽
- 今日我哋喺煲底相見
- 射在眼睛上
- 縱然只剩低合照，始終我也忘不掉
- 我會過得好好的
- 你最喜歡咩花？
- 小藕子
- 夜
- 㚻姦
- 那天夜班
- 月台日常
- 悶熱下午的奇程
- 寧靜的早晨
留言
發佈留言